Iswarya Menon | ఐశ్వర్య తొలి సినిమా ఇదే
Iswarya Menon - స్పై సినిమాతో టాలీవుడ్ ఎంట్రీ ఇచ్చింది ఐశ్వర్య మీనన్. అయితే అది తన తొలి సినిమా కాదంటోంది.
స్పై సినిమాలో స్టైలిష్ యాక్షన్ తో ఆకట్టుకున్న హీరోయిన్ ఐశ్వర్య మీనన్...అందుకు పూర్తి భిన్నమైన పాత్రలో "భజే వాయు వేగం"లో కనిపించనుంది. హీరో కార్తికేయ గుమ్మకొండ హీరోగా నటించిన ఈ చిత్రాన్ని ప్రతిష్ఠాత్మక నిర్మాణ సంస్థ యూవీ క్రియేషన్స్ సమర్పణలో యూవీ కాన్సెప్ట్స్ బ్యానర్ నిర్మిస్తోంది.
హ్యాపీ డేస్ ఫేమ్ రాహుల్ టైసన్ కీలక పాత్రను పోషించాడు. ఎమోషనల్ యాక్షన్ థ్రిల్లర్ కథతో దర్శకుడు ప్రశాంత్ రెడ్డి ఈ చిత్రాన్ని రూపొందించారు. ఈ నెల 31న "భజే వాయు వేగం" సినిమా వరల్డ్ వైడ్ గ్రాండ్ థియేట్రికల్ రిలీజ్ కు వస్తోంది. ఈ సందర్భంగా సినిమా హైలైట్స్ బయటపెట్టింది హీరోయిన్ ఐశ్వర్య మీనన్.
"నేను స్పై మూవీ తర్వాత భజే వాయు వేగం చేసినా ఫస్ట్ సైన్ చేసిన మూవీ మాత్రం భజే వాయు వేగం మాత్రమే. నన్ను టాలీవుడ్ కు పరిచయం చేసింది దర్శకుడు ప్రశాంత్ రెడ్డి అనుకోవాలి. ఆయన ఇందు క్యారెక్టర్ కోసం నేనే బాగుంటాను అని తీసుకున్నారు. ఫోన్ లో ఈ స్క్రిప్ట్ చెప్పినప్పుడు చాలా మంచి సినిమా అవుతుందని అనిపించింది. నేను తెలుగు సినిమాలకు బాగుంటాను అని ప్రశాంత్ గెస్ చేశాడు."
ఇలా తన తొలి సినిమా ఏంటనే విషయాన్ని బయటపెట్టింది ఐశ్వర్య మీనన్. ఈ సినిమా కాకుండా ప్రస్తుతం తన చేతిలో మరో 3 తెలుగు సినిమాలున్నాయని, తన తొలి ప్రాధాన్యం టాలీవుడ్ అంటూ ప్రకటించింది ఈ బ్యూటీ.
