Ishwarya Menon | ఇండస్ట్రీలోకి రాకముందే నేను పాపులర్
Ishwarya Menon - భజే వాయువేగం సినిమాతో మరోసారి తెలుగు ప్రేక్షకుల ముందుకొస్తోంది ఐశ్వర్య మీనన్. ఇంతకీ ఈమె బ్యాక్ గ్రౌండ్ ఏంటి?
ఓ సినిమా హిట్టయితే హీరోయిన్ కు క్రేజ్ వస్తుంది. అయితే ఇండస్ట్రీలోకి రాకముందే తను పాపులర్ అంటోంది హీరోయిన్ ఐశ్వర్య మీనన్. చదువుకునే రోజుల్లోనే తనకు మంచి పాపులారిటీ, ఫాలోయింగ్ ఉండేదని చెబుతోంది.
"తమిళనాడులో ఈరోడ్ అనే చిన్న టౌన్ మాది. మధ్య తరగతి కుటుంబం. మా బ్రదర్ డాక్టర్. నేను ఇంజినీరింగ్ చేశా. స్కూల్ లో చదువుకుంటున్న టైమ్ లోనే నేను బాగా పాపులర్. కమర్షియల్ యాడ్స్ లో నటించడం, స్కూల్ కల్చరల్ ఈవెంట్స్ లో పాల్గొనడంతో బాగా పేరొచ్చింది."
కాలేజ్ డేస్ లో అలా వచ్చిన గుర్తింపు, పొందిన ప్రోత్సాహంతోనే సినిమా రంగంలోకి అడుగుపెట్టానంటోంది ఐశ్వర్య మీనన్. తనకు గాడ్ ఫాదర్స్ ఎవ్వరూ లేరని ప్రేక్షకుల్లో గుర్తింపు మాత్రమే ఉందంటోంది.
"ఇంజినీరింగ్ పూర్తయ్యాక పూర్తిగా నటన మీద ఫోకస్ చేశాను. నేను పరిశ్రమలో మంచి గుర్తింపు తెచ్చుకున్నాను. ఇదంతా నాకు నేనుగా సొంతంగా తెచ్చుకున్న పేరు. ప్రేక్షకుల అభిమానం పొందడం అనేది ఏ ఆర్టిస్టుకైనా ముఖ్యం. ఆఫర్స్ రావడం, సక్సెస్ పొందడం కంటే ప్రేక్షకుల యాక్సెప్టెన్సీ ముఖ్యమని భావిస్తాను."
స్పై సినిమాతో టాలీవుడ్ లో అడుగుపెట్టిన ఈ ముద్దుగుమ్మ, త్వరలోనే భజే వాయువేగం సినిమాతో మరోసారి ప్రేక్షకుల ముందుకు రాబోతోంది. ఇది కాకుండా, మరో 3 తెలుగు సినిమాలు, తమిళ-మలయాళ భాషల్లో చెరో సినిమా చేస్తోంది.
