Karthikeya | తృప్తి దక్కిందంటున్న కార్తికేయ
Karthikeya - భజే వాయువేగం సినిమా తనకు పూర్తి సంతృప్తినిచ్చిందంటున్నాడు హీరో కార్తికేయ.
యూవీ క్రియేషన్స్ సమర్పణలో యూవీ కాన్సెప్ట్స్ బ్యానర్ పై కార్తికేయ గుమ్మకొండ హీరోగా నటించిన సినిమా "భజే వాయు వేగం". ఐశ్వర్య మీనన్ హీరోయిన్ గా నటించింది. హ్యాపీ డేస్ ఫేమ్ రాహుల్ టైసన్ కీలక పాత్రను పోషించారు. ఎమోషనల్ యాక్షన్ థ్రిల్లర్ కథతో దర్శకుడు ప్రశాంత్ రెడ్డి ఈ చిత్రాన్ని రూపొందించారు.
రీసెంట్ గా వరల్డ్ వైడ్ గ్రాండ్ గా రిలీజ్ అయిన "భజే వాయు వేగం" సినిమాకు అన్ని సెంటర్ల నుంచి పాజిటివ్ రెస్పాన్స్ వచ్చిందంటోంది యూనిట్. ఈ నేపథ్యంలో చిత్ర బృందం హైదరాబాద్ లో థ్యాంక్స్ మీట్ నిర్వహించారు. ఇందులో మాట్లాడిన కార్తికేయ, తనకు చాలా తృప్తిగా ఉందని స్పందించాడు.
"భజే వాయు వేగం సినిమా నాకు హీరోగా ఎంతో సంతృప్తినిచ్చింది. ఎలాంటి సినిమా చేయాలి అని అర్థం కాని టైమ్ లో డైరెక్టర్ ప్రశాంత్ నాకు దారి చూపించడం తో పాటు విజయం అనే టార్చిలైట్ ఇచ్చాడు. ఏడాది టైమ్ లో రెండో సక్సెస్ అందుకున్నా. బెదురులంక తర్వాత భజే వాయు వేగం విజయాన్ని ఇచ్చింది. గతంలో నా గురించి రాసేటప్పుడు మరో అపజయం అందుకున్నాడు అని రాసేవారు. ఇప్పుడు మరో హిట్ అని రాస్తున్నారు. అవి చూస్తుంటే హ్యాపీగా ఉంది."
ఆర్ఎక్స్ 100 తర్వాత తను చేసిన మంచి సినిమా ఇదే అంటున్నాడు ఈ హీరో. తక్కువ బడ్జెట్ తో తెరకెక్కిన ఈ సినిమా బ్రేక్ ఈవెన్ అయిందంటోంది యూవీ క్రియేషన్స్ సంస్థ.
