Gopichand’s Rama Banam: గోపీచంద్ 30వ చిత్రం `రామ‌బాణం`- టైటిల్ సూచించిన నంద‌మూరి బాల‌కృష్ణ
Gopichand’s Rama Banam Movie: సంక్రాంతి పండుగ సంద‌ర్భంగా ఈ చిత్రం టైటిల్‌ని చిత్ర బృందం శ‌నివారం వెల్ల‌డించింది. ల‌క్ష్యం, లౌక్యం చిత్రాల త‌ర్వాత హీరో గోపీచంద్, ద‌ర్శ‌కుడు శ్రీ‌వాస్ కాంబినేష‌న్‌లో రూపొందుతున్న మూడో చిత్ర‌మిది.
హీరో నంద‌మూరి బాల‌కృష్ణ సూచించిన టైటిల్‌తో హీరో గోపీచంద్ 30వ చిత్రం ఖ‌రారైంది. సంక్రాంతి పండుగ సంద‌ర్భంగా ఈ చిత్రం టైటిల్‌ని చిత్ర బృందం శ‌నివారం వెల్ల‌డించింది. ల‌క్ష్యం, లౌక్యం చిత్రాల త‌ర్వాత హీరో గోపీచంద్, ద‌ర్శ‌కుడు శ్రీ‌వాస్ కాంబినేష‌న్‌లో రూపొందుతున్న మూడో చిత్ర‌మిది.
ఈ చిత్రంలో డింపుల్ హ‌య‌తి హీరోయిన్‌గా న‌టిస్తోంది. జ‌గ‌ప‌తిబాబు, ఖుష్బూ ఈ చిత్రంలో కీల‌క పాత్రలు పోషిస్తున్నారు. వీరిద్ద‌రూ ఈ చిత్రంలో గోపీచంద్‌కి అన్నావ‌దిన‌లుగా న‌టిస్తున్నారు. ఇప్ప‌టికే ఈ చిత్రం షూటింగ్ తుది ద‌శ‌కు చేరుకుంది. పీపుల్ మీడియా ఫ్యాక్ట‌రీ ప‌తాకంపై టీజీ విశ్వ‌ప్ర‌సాద్‌, వివేక్ కూచిభొట్ల ఈ సినిమాను నిర్మిస్తున్నారు.
త‌మ చిత్రానికి హీరో బాల‌కృష్ణ టైటిల్ సూచించ‌డం చాలా సంతోషంగా ఉంద‌ని చిత్ర బృందం తెలిపింది. ఫ్యామిలీ ఎమోష‌న్ల‌తో పాటు సామాజిక సందేశం కూడా మిళిత‌మై ఉన్న త‌మ చిత్రం బ‌ల‌మైన క‌థాంశంతో రూపొందుతోంద‌ని వారు పేర్కొన్నారు. ఈ ఏడాది వేస‌విలో ఈ చిత్రాన్ని ప్రేక్ష‌కుల ముందుకు తీసుకొచ్చేలా స‌న్నాహాలు చేస్తున్నామ‌ని వెల్ల‌డించారు.
