విశాల్ సినిమా గోపీచంద్ చేతికి..!

డిఫరెంట్ కాంబినేషన్లతో దూసుకుపోతున్నాడు గోపీచంద్. ప్రస్తుతం శ్రీవాస్ దర్శకత్వంలో ఓ కమర్షియల్ ఎంటర్ టైనర్ చేస్తున్న ఈ హీరో, త్వరలోనే శ్రీనువైట్ల దర్శకత్వంలో ఓ మూవీ చేయబోతున్నాడు. ఇప్పుడీ రెండు ప్రాజెక్టులతో పాటు మరో కొత్త సినిమాకు ఈ హీరో గ్రీన్ సిగ్నల్ ఇచ్చాడు.

తమిళ దర్శకుడు హరితో కలిసి ఓ సినిమా చేయబోతున్నాడు గోపీచంద్. గతంలో సూర్యతో సింగం సిరీస్ అందించిన దర్శకుడు ఇతడే. తాజాగా అరుణ్ విజయ్ హీరోగా ఏనుగు అనే సినిమాను తీశాడు. అది కూడా తమిళనాట హిట్టయింది. ఇప్పుడు గోపీచంద్ తో సినిమాకు రెడీ అవుతున్నాడు.

నిజానికి విశాల్ కోసం ఈ కథ తయారుచేసుకున్నాడట హరి. కానీ ప్రస్తుతం విశాల్ అందుబాటులో లేకపోవడంతో, గోపీచంద్ తో సెట్స్ పైకి వెళ్లబోతున్నాడు. ఇదొక కంప్లీట్ యాక్షన్ ఎంటర్ టైనర్. ఈ సినిమాలో గోపీచంద్, పోలీస్ గా కనిపించే అవకాశం ఉంది.

శ్రీనువైట్ల, హరి సినిమాల్లో ఏది ముందు సెట్స్ పైకి వస్తుందనేది సస్పెన్స్. శ్రీవాస్ తో చేస్తున్న సినిమా పూర్తయిన తర్వాత వీళ్లిద్దర్లో ఎవరి సినిమాను ముందుగా స్టార్ట్ చేయాలో గోపీచంద్ నిర్ణయిస్తాడు.