Mahesh Babu | పుకార్లు కొట్టిపారేసిన యూనిట్
Mahesh Rahamouli Movie - మహేష్-రాజమౌళి సినిమాకు సంబంధించి చాలా పుకార్లు వచ్చాయి. తొలిసారి ఓ పుకారుపై ఖండన ప్రకటన వచ్చింది.
మహేష్ బాబు, రాజమౌళి కాంబోలో సినిమా వస్తున్న సంగతి తెలిసిందే. ప్రస్తుతం ప్రీ ప్రొడక్షన్ స్టేజ్ లో ఉన్న ఈ సినిమాపై ఓ పుకారు విస్తృతంగా ప్రచారమైంది. మహేష్ బాబు కెరీర్ లో 29వ చిత్రంగా తెరకెక్కుతున్న ఈ మూవీ కోసం నటీనటుల ఎంపిక జరుగుతోందంటూ ప్రచారం మొదలైంది. దీన్ని యూనిట్ ఖండించింది. తాము ఎలాంటి కాస్టింగ్ కాల్ నిర్వహించడం లేదంటూ దుర్గా ఆర్ట్స్ సంస్థ ప్రకటించింది.
"మేం ఎలాంటి కాస్టింగ్ కాల్ చేయడం లేదు, నూతన నటీనటుల ఎంపిక జరగడం లేదు. మా సినిమాలో కాస్టింగ్ డైరక్టర్ వీరేన్ స్వామి భాగమైనట్టు కొన్ని ఇంగ్లిష్ పత్రికల్లో కథనాలు వచ్చాయి. వాటిలో ఎలాంటి నిజం లేదు. ఈ సినిమాకు సంబంధించి ఏదైనా అప్ డేట్స్ ఉంటే మేమే స్వయంగా ఇస్తాం. ఇతరుల ప్రకటనలు నమ్మొద్దు."
ఇలా మహేష్ బాబు, రాజమౌళి సినిమాకు సంబంధించి విస్పష్ట ప్రకటన చేసింది దుర్గా ఆర్ట్స్ సంస్థ. ప్రస్తుతం తమ సినిమా ప్రీ ప్రొడక్షన్ స్టేజ్ లో ఉందని, ఇంతకుమించి ప్రస్తుతానికి అప్ డేట్స్ లేవని తేల్చిచెప్పింది.
ఆర్ఆర్ఆర్ సినిమా తర్వాత రాజమౌళి చేస్తున్న మూవీ ఇదే. అటు మహేష్ కు కూడా రాజమౌళితో సినిమా చేయడం ఇదే తొలిసారి. సెట్స్ పైకి రాకముందు నుంచే ఈ సినిమాపై భారీ అంచనాలున్నాయి. ఆ అంచనాలకు తగ్గట్టు అంతర్జాతీయ స్థాయిలో సినిమాను తెరకెక్కించాలనుకుంటున్నాడు రాజమౌళి.
