Vishwambhara | చిరంజీవి ఫస్ట్ లుక్ రిలీజ్
Chiranjeevi Vishwambhara - విశ్వంభర సినిమా నుంచి చిరంజీవి ఫస్ట్ లుక్ రిలీజైంది. ఆ లుక్ ఎలా ఉంది?
మెగాస్టార్ చిరంజీవి సోషియో-ఫాంటసీ యాక్షన్ ఎంటర్‌టైనర్ ‘విశ్వంభర’. చిరంజీవి పుట్టినరోజు సందర్భంగా ఈ సినిమా నుంచి చిరు ఫస్ట్ లుక్ రిలీజ్ చేశారు.
ఈ వండర్ ఫుల్ పోస్టర్‌లో మెగాస్టార్ చిరంజీవి ఒక రాయిపై కూర్చొని, ప్రత్యేక శక్తులతో కూడిన త్రిశూలాన్ని పట్టుకుని ఎగ్రెసివ్ గా కనిపించారు. మెగాస్టార్ లుక్, కొండ నుంచి ఉద్భవించిన ప్రకాశవంతమైన దైవిక శక్తి, బ్యాక్ గ్రౌండ్ లో ఉరుములు మెరపులతో ఈ ఫస్ట్ లుక్ అదిరిపోయింది.
చిరంజీవి త్రిశూలం వైపు ఇంటెన్స్ లుక్స్ తో చూస్తూ డైనమిక్‌గా కనిపించారు. ఈ ఫస్ట్‌లుక్ తో సినిమాపై అంచనాలు మరింత పెరిగాయి. తన మొదటి సినిమా బింబిసారతో బ్లాక్ బస్టర్ అందించిన దర్శకుడు వశిష్ట.. తన అభిమాన హీరో చిరంజీవితో కలిసి ‘విశ్వంభర’ను అత్యంత ప్రతిష్టాత్మక ప్రాజెక్ట్‌గా తీర్చిదిద్దుతున్నాడు.
మూవీ కోసం ఒక ఫాంటసీ ప్రపంచాన్ని సృష్టించారు. సినిమాలో గ్రాఫిక్స్, ఫైట్స్ హైలెట్ అంటున్నారు. ఈ ప్రతిష్టాత్మక ప్రాజెక్ట్‌ను యూవీ క్రియేషన్స్ నిర్మిస్తోంది, త్రిష, ఆషికా రంగనాథ్ హీరోయిన్స్ గా నటిస్తుండగా, కునాల్ కపూర్ పవర్‌ఫుల్ క్యారెక్టర్‌లో కనిపించనున్నాడు. ఎంఎం కీరవాణి సంగీతం అందిస్తున్న ఈ సినిమా జనవరి 10న రిలీజ్ అవుతుంది.
