Bholaa Shankar | చిరంజీవి భోళాశంకర్ షూట్ అప్ డేట్స్
Chiranjeevi's Bholaa Shankar - భోళాశంకర్ షూటింగ్ పూర్తయింది. విడుదలకు శరవేగంగా సిద్ధమౌతోంది.
మెగాస్టార్ చిరంజీవి, మెహర్ రమేష్ కాంబోలో వస్తున్న యాక్షన్ ఎంటర్‌టైనర్ 'భోళా శంకర్' టీజర్‌లో తన వింటేజ్ స్టైలిష్ మాస్ అవతార్‌లో చిరంజీవి మెప్పించిన సంగతి తెలిసిందే. తాజాగా ఈ చిత్రం షూటింగ్ పూర్తయింది.
“భోళా శంకర్ షూట్ పూర్తయింది. రాత్రి పగలు విరామం లేకుండా పని చేస్తున్న నటీనటులు, సిబ్బందికి హృదయపూర్వక ధన్యవాదాలు. పోస్ట్ ప్రొడక్షన్ పనులు ఫుల్ స్వింగ్‌తో జరుగుతున్నాయి. ప్రమోషన్‌లు & పాటలు విడుదల కాబోతున్నాయి. భోళా శంకర్ ఆగస్టు 11వ తేదీన ప్రపంచవ్యాప్తంగా విడుదల'' అంటూ మెహర్ ట్వీట్ చేశారు.
సినిమాలోని ఫస్ట్ సింగిల్ ఇప్పటికే చార్ట్‌బస్టర్‌గా నిలిచింది. మిగిలిన పాటలు ఒకదాని తర్వాత ఒకటి విడుదలౌతాయి. మహతి స్వర సాగర్ ఈ చిత్రానికి సంగీతం అందిస్తున్నాడు.
ఏకే ఎంటర్ టైన్ మెంట్స్ బ్యానర్ పై అనీల్ సుంకర నిర్మిస్తున్న ఈ సినిమాకు సత్యానంద్, కథా పర్యవేక్షణ చేస్తున్నారు. సినిమాలో చిరంజీవి సరసన తమన్న హీరోయిన్ గా నటిస్తుండగా, చిరు చెల్లెలి పాత్రలో కీర్తిసురేష్ కనిపించనుంది. ఓ కీలకమైన పాత్రలో సుశాంత్ మెరవనున్నాడు.
భోళా శంకర్ ఆగస్టు 11న ప్రపంచవ్యాప్తంగా గ్రాండ్‌గా విడుదల కానుంది. తమిళ్ లో అజిత్ నటించిన సూపర్ హిట్ మూవీ వేదాళంకు అధికారిక రీమేక్ ఇది.
