Bholaa Shankar | తమ్ముడ్ని ఇమిటేట్ చేసిన అన్నయ్య
Chiranjeevi Bholaa Shankar - భోళాశంకర్ సినిమాలో పవన్ కల్యాణ్ ను అనుకరించారు చిరంజీవి.
మెగాస్టార్ చిరంజీవి మెగా యాక్షన్ ఎంటర్‌టైనర్ ‘భోళా శంకర్’ నుంచి ఒక పాట చిత్రీకరణ జరుగుతుండా ఒక వీడియోను లీక్ చేశారు మెగాస్టార్. ఆ పాట మేకింగ్‌లోని గ్రాండ్‌నెస్ చూసి అభిమానులు థ్రిల్ అయ్యారు. స్టైలిష్‌ మేకర్‌ మెహర్‌ రమేష్‌ ప్రతి విషయంలోనూ చాలా జాగ్రత్తలు తీసుకుంటూ ఈ సినిమాను తెరకెక్కిస్తున్న సంగతి తెలిసిందే.
ఇప్పుడీ సినిమా నుంచి చిరంజీవి మరో లీక్ ఇచ్చారు. భోళాశంకర్ సినిమాలో పవన్ కల్యాణ్ రిఫరెన్సులున్నాయి. ఈ విషయాన్ని చిరంజీవి స్వయంగా బయటపెట్టారు.
ఇన్నాళ్లూ పవన్ కల్యాణ్ తన సినిమాల్లో చిరంజీవిని ఇమిటేట్ చేశారు. కొన్ని సినిమాల్లో చిరంజీవిని చూపించారు. ఇప్పుడు స్వయంగా చిరంజీవి, తమ్ముడు పవన్ ను ఇమిటేట్ చేశారు. ఈ సీన్ ను భోళాశంకర్ లో పెట్టారు. దీనికి సంబంధించి చిన్న క్లిప్ ను కూడా విడుదల చేశారు.
ట్యాక్సీ పక్కనే రష్మి ఉంటుంది. ఆమె పక్కన నిల్చున్న చిరంజీవి, పవన్ కల్యాణ్ ను ఇమిటేట్ చేస్తూ డైలాగ్ చెప్పడం బాగుంది. దీనికి సంబంధించిన పూర్తి సీన్ చూడాలంటే, సినిమా రిలీజ్ వరకు ఆగాల్సిందే.
అనిల్ సుంకర ఏకే ఎంటర్‌టైన్‌మెంట్స్‌ సంస్థ ఈ చిత్రాన్ని నిర్మిస్తోంది. డడ్లీ డీవోపీగా పని చేస్తున్నారు. సత్యానంద్ కథ పర్యవేక్షణ చేయగా తిరుపతి మామిడాల డైలాగ్స్ అందిస్తున్నారు. తమన్న, కీర్తిసురేష్ హీరోయిన్లుగా నటిస్తున్న ఈ సినిమా... ఆగస్టు 11న ప్రపంచ వ్యాప్తంగా గ్రాండ్‌గా విడుదల కానుంది.
