నా తదుపరి సినిమా అదే - చిరంజీవి
గాడ్ ఫాదర్ తర్వాత తన నుంచి రాబోతున్న తదుపరి చిత్రంపై చిరంజీవి క్లారిటీ ఇచ్చారు. ఇంతకీ ఏంటా సినిమా?
చిరంజీవి నుంచి గాడ్ ఫాదర్ సినిమా వచ్చేసింది. మరి నెక్ట్స్ ఏంటి? ప్రస్తుతం సెట్స్ పై భోళాశంకర్, బాబి దర్శకత్వంలో చేస్తున్న సినిమా ఉన్నాయి. మరి వీటిలో ఏ సినిమా ముందుగా థియేటర్లలోకి వస్తుంది?
రెండూ సెట్స్ పై ఉన్నాయి. రెండూ యాక్టివ్ గానే షూటింగ్ జరుపుకుంటున్నాయి. దీంతో ఏ సినిమా ముందు థియేటర్లలోకి వస్తుందనే అనుమానం అందర్లో ఉంది. దీనిపై స్వయంగా చిరంజీవి స్పందించారు. తన నుంచి నెక్ట్స్ వచ్చే సినిమా ఏదో క్లారిటీ ఇచ్చారు.
"గాడ్ ఫాదర్ సినిమా తర్వాత బాబీ సినిమానే విడుదలవుతుంది. ఈ సినిమాకు ఇంకా పేరు పెట్టలేదు. గాడ్ ఫాదర్ రిలీజ్ తర్వాత రెస్ట్ తీసుకోలేదు. కొత్త చిత్రాల కథలు వింటున్నాను. బాబి సినిమా షూటింగ్ కోసం డిస్కషన్ లోనూ పాల్గొంటున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ సినిమా పూర్యయ్యాకే భోళా శంకర్ విడుదల ఉంటుంది. రెండు సినిమా షూటింగులూ జరుగుతున్నప్పటికీ ముందుగా బాబి సినిమాని పూర్తి చేయాలని నిర్ణయించుకున్నాను."
గాడ్ ఫాదర్ లాంటి రీమేక్ తర్వాత, ఓ స్ట్రయిట్ మూవీ వస్తే బాగుంటుందని చిరంజీవి భావిస్తున్నారు. అందుకే మరో రీమేక్ భోళాశంకర్ ను తాత్కాలికంగా పక్కనపెట్టారు. బాబి దర్శకత్వంలో చిరంజీవి చేస్తున్న సినిమా సంక్రాంతికి వచ్చే అవకాశం ఉంది.
