Raju Yadav | బన్నీ వాస్ చేతికి రాజు యాదవ్
Raju Yadav Movie - గెటప్ శ్రీను హీరోగా పరిచయమౌతున్న సినిమా రాజు యాదవ్. ఈ సినిమాకు బన్నీ వాస్ సపోర్ట్ దక్కింది.
బుల్లితెర కమల్ హాసన్‌గా పాపులరైన జబర్దస్త్ ఫేమ్ గెటప్ శ్రీను, హీరోగా చేస్తున్న సినిమా 'రాజు యాదవ్'. హీరోగా ఇతడికి ఇదే తొలి సినిమా. ఈ చిత్రం ద్వారా కృష్ణమాచారి దర్శకునిగా పరిచయం అవుతున్నారు. సాయి వరుణవి క్రియేషన్స్, చరిష్మా డ్రీమ్స్ ఎంటర్‌టైన్‌మెంట్ బ్యానర్‌లపై ప్రశాంత్ రెడ్డి, రాజేష్ కల్లెపల్లి సంయుక్తంగా ఈ ప్రాజెక్ట్‌ను నిర్మించారు.
ఇప్పటికే విడుదలైన ఈ సినిమా టీజర్‌, ట్రైలర్, పాటలకు మంచి రెస్పాన్స్ వచ్చింది. మరీ ముఖ్యంగా సినిమా స్టోరీలైన్ అందర్నీ ఎంతగానే ఆకట్టుకుంది.
ఈ చిత్రాన్ని ప్రముఖ నిర్మాత బన్నీ వాస్ ఏపీ, తెలంగాణలో విడుదల చేయబోతున్నారు. సక్సెస్ ఫుల్ ప్రొడ్యూసర్ బన్నీ వాస్ బ్యాకింగ్ తో రాజు యాదవ్ చాలా గ్రాండ్ గా విడుదల కాబోతోంది. మే 24న రాజు యాదవ్ విడుదల కానుంది.
స్టార్ కంపోజర్ హర్షవర్ధన్ రామేశ్వర్ ఈ చిత్రానికి సంగీతం అందించాడు. ఇప్పటికే కొన్ని పాటలు విడుదలయ్యాయి. రాజు యాదవ్ గా గెటప్ శ్రీను.. లవ్, కామెడీతో పాటు హృదయాన్ని హత్తుకునే భావోద్వేగాలతో అలరించబోతున్నాడు.
ఈ సినిమాతో అంకిత ఖరత్ హీరోయిన్ గా నటించగా.., ఆనంద చక్రపాణి, రాకెట్ రాఘవ, మిర్చి హేమంత్, జబర్దస్త్ సన్నీ, కీలక పాత్రలు పోషించారు.
