Bhimaa Movie | మరో కీలక షెడ్యూల్ పూర్తి చేసిన గోపీచంద్
Bhimaa Movie - గోపీచంద్ కొత్త సినిమా పేరు భీమ. ఈ సినిమాకు సంబంధించి మరో షెడ్యూల్ పూర్తిచేశాడు ఈ హీరో.
మాచో హీరో గోపీచంద్, ప్రముఖ కన్నడ దర్శకుడు ఎ హర్ష దర్శకత్వంలో చేస్తున్న యూనిక్ యాక్షన్ ఎంటర్‌టైనర్ భీమా. శ్రీ సత్యసాయి ఆర్ట్స్ ప్రొడక్షన్ పై కెకె రాధామోహన్ ఈ చిత్రాన్ని నిర్మిస్తున్నారు. ఇప్పటికే విడుదలైన ఈ చిత్రం ఫస్ట్ లుక్ కి మంచి రెస్పాన్స్ వచ్చింది. సినిమాలో పవర్ ఫుల్ పోలీస్ గా కనిపించబోతున్నాడు గోపీచంద్.
తాజాగా యూనిట్ ఈ చిత్రానికి సంబంధించిన కొన్ని కీలకమైన యాక్షన్ సన్నివేశాల చిత్రీకరణ పూర్తి చేసింది. కాకినాడ, రాజానగరం, అద్దరిపేట బీచ్ పరిసర ప్రాంతాల్లో ఈ సన్నివేశాలని చిత్రీకరించారు.
కన్నడలో పలు బ్లాక్‌బస్టర్‌లను అందించిన హర్ష ఈ భారీ బడ్జెట్ చిత్రంతో టాలీవుడ్‌లోకి అడుగుపెడుతున్నాడు. యాక్షన్ సన్నివేశాలతో పాటు, కుటుంబ భావోద్వేగాలు భీమాలో ఉంటాయంటున్నాడు దర్శకుడు.
ఈ చిత్రంలో అగ్రశ్రేణి సాంకేతిక నిపుణులు పని చేస్తున్నారు. కెజిఎఫ్ ఫేమ్ రవి బస్రూర్ సంగీతం అందిస్తున్నారు. త్వరలోనే ఈ సినిమా టీజర్ ను రిలీజ్ చేస్తారు.
