Bharateeyudu 2 OTT | ఓటీటీలోకి కమల్ సినిమా
Bharateeyudu 2 OTT Streaming - కమల్-శంకర్ కాంబోలో వచ్చి ఫ్లాప్ అయింది భారతీయుడు-2. ఇప్పుడీ సినిమా ఓటీటీలోకి రాబోతోంది.
యూనివ‌ర్స‌ల్ స్టార్ కమల్ హాసన్, సెన్సేష‌న‌ల్ డైరెక్ట‌ర్ శంకర్ కాంబినేష‌న్‌లో అగ్ర నిర్మాణ సంస్థ లైకా ప్రొడ‌క్ష‌న్స్ తో పాటు ప్రముఖ నిర్మాణ సంస్థ రెడ్ జెయింట్ బ్యానర్‌పై సుభాస్క‌ర‌న్ నిర్మించిన భారీ బ‌డ్జెట్ చిత్రం ‘భారతీయుడు 2’.
ప్రపంచ వ్యాప్తంగా జులై 12న ఈ చిత్రం విడుదలైంది. 1996లో వచ్చిన భారతీయుడు సినిమాకు ఇది సీక్వెల్‌. ఇండియన్ 2 పేరుతో త‌మిళంలో, భారతీయుడు 2 పేరుతో తెలుగు, హిందుస్థానీ పేరుతో హిందీలో ప్రపంచ వ్యాప్తంగా విడుద‌లైన ఈ సినిమా ఇప్పుడు స్ట్రీమింగ్ కు రెడీ అయింది.
నెట్‌ఫ్లిక్స్ ద్వారా ఆగ‌స్ట్ 9న స్ట్రీమింగ్ కు రాబోతోంది భారతీయుడు 2. ఒకేసారి త‌మిళ, తెలుగు, క‌న్న‌డ, మ‌ల‌యాళ భాష‌ల్లో స్ట్రీమింగ్ కు పెడుతున్నారు. హిందీ వెర్షన్ స్ట్రీమింగ్ డేట్ ఇంకా నిర్ణయించలేదు.
కమల్ హాసన్ అద్భుత‌మైన న‌ట‌న, శంకర్ టేకింగ్, లైకా ప్రొడ‌క్ష‌న్స్ ప్రొడ‌క్ష‌న్ వాల్యూస్‌ ఈ సినిమాకు ప్రత్యేక ఆకర్షణలు. అయితే ఇన్ని హంగులు తోడైనప్పటికీ సినిమా ఆడలేదు. మరీ ముఖ్యంగా తెలుగులో భారతీయుడు-2 డిజాస్టర్ అయింది. అందుకే రిలీజై నెల తిరక్కముందే స్ట్రీమింగ్ కు పెట్టేస్తున్నారు.
