Bhagyasree | తొలి సినిమాకే సొంతంగా డబ్బింగ్
Bhagyashri Borse - మిస్టర్ బచ్చన్ తో టాలీవుడ్ లో అడుగుపెడుతోంది భాగ్యశ్రీ. తొలి సినిమాకే సొంతంగా డబ్బింగ్ చెప్పుకుంది.
రవితేజ, హరీష్ శంకర్ కాంబినేషన్‌లో తెరకెక్కిన ‘మిస్టర్ బచ్చన్’ సినిమా, ప్రేక్షకులని ఎంటర్ టైన్ చేయడానికి రెడీగా ఉంది. ఈ చిత్రంలో భాగ్యశ్రీ బోర్సే హీరోయిన్ గా నటిస్తోంది. ఇప్పటికే విడుదలైన పాటలు, షో రీల్, టీజర్ కు మంచి రెస్పాన్స్ వచ్చింది.
తాజాగా హీరోయిన్ భాగ్యశ్రీ బోర్సే తన పాత్రకు డబ్బింగ్ కంప్లీట్ చేసింది. ఆశ్చర్యకరమైన విషయం ఏంటంటే, తన పాత్రకు తానే సొంతంగా డబ్బింగ్ చెప్పుకుంది భాగ్యశ్రీ. తొలి సినిమాకే తెలుగు నేర్చుకొని సొంతంగా డబ్బింగ్ చెప్పుకోవడం గొప్ప విషయం.
ఈ క్యారెక్టర్ కు తనే సొంతంగా డబ్బింగ్ చెబుతానని పట్టుబట్టిందట భాగ్యశ్రీ. అందుకే కష్టపడి తెలుగు నేర్చుకొని మరీ డబ్బింగ్ పూర్తిచేసింది.
ఇప్పటికే విడుదలైన సితార్, రెప్పల్ డప్పుల్ సాంగ్స్ లో తన గ్లామర్ తో మెస్మరైజ్ చేసింది భాగ్యశ్రీ. ఇప్పుడు డబ్బింగ్ తో కూడా ఆకట్టుకోబోతోంది. ప్రస్తుతం టాలీవుడ్ లో ఆమె స్టిల్స్ వైరల్ అవుతున్నాయి. ఆమె గ్లామర్ కు అంతా ఫిదా అవుతున్నారు. రీసెంట్ గా స్టేజ్ పై ఆమె వేసిన స్టెప్పులు వైరల్ అయ్యాయి.
పీపుల్ మీడియా ఫ్యాక్టరీ బ్యానర్‌పై టిజి విశ్వప్రసాద్‌ నిర్మిస్తున్న ఈ సినిమాకు మిక్కీ జె మేయర్ సంగీతం అందిస్తున్నాడు. ఆగస్ట్ 15న గ్రాండ్ విడుదల కానుంది మిస్టర్ బచ్చన్ సినిమా.
