Ashish | సొంత బ్యానర్ లో ఆశిష్ మూడో చిత్రం
Ashish 3rd movie - ఆశిష్ తన మూడో చిత్రాన్ని స్టార్ట్ చేశాడు. ఈసారి కూడా సొంత బ్యానర్ లోనే సినిమా చేస్తున్నాడు.
యూత్ ఫుల్ ఎంటర్ టైనర్ రౌడీ బాయ్స్ చిత్రంతో హీరోగా ఎంట్రీ ఇచ్చాడు యంగ్ హీరో ఆశిష్. ఇప్పుడు సెల్ఫిష్ అనే సినిమాలో హీరోగా నటిస్తున్నాడు. ఇప్పటికే ఈ సినిమా 50 శాతానికి పైగా షూటింగ్ పూర్తి చేసుకుంది. ఈ సినిమా సెట్స్ పై ఉండగానే ఆశిష్ మూడో చిత్రం లాంఛనంగా ప్రారంభమైంది.
రొమాంటిక్ హారర్ బ్యాక్ డ్రాప్ తో తన మూడో చిత్రానికి శ్రీకారం చుట్టాడు ఆశిష్. అతడి సొంత బ్యానర్ పై వస్తున్న సినిమా ఇది. దిల్ రాజు ప్రొడక్షన్స్ బ్యానర్ పై ప్రముఖ నిర్మాత శిరీష్ సమర్పణలో ఈ సినిమా రాబోతోంది. హర్షిత్, హన్షిత నిర్మాతలు. ఈ సినిమాతో అరుణ్ భీమవరపు దర్శకుడిగా పరిచయమౌతున్నాడు.
'బలగం' వంటి సెన్సేషనల్ బ్లాక్ బస్టర్ మూవీని అందించిన నిర్మాణ సంస్థగా గుర్తింపు తెచ్చుకుంది దిల్ రాజు ప్రొడక్షన్స్. ప్రస్తుతం ఈ బ్యానర్ పై 'ఆకాశం దాటి వస్తావా' అనే సినిమా తెరకెక్కుతోంది. ఇటు ఆశిష్ కు, అటు ఈ ప్రొడక్షన్ కంపెనీకి ఇది మూడో చిత్రం కావడం విశేషం.
తాజాగా ఈ ప్రాజెక్టును లాంచ్ చేశారు. పూజా కార్యక్రమాలతో మొదలైన ఈ సినిమా ఓపెనింగ్ కు దర్శకుడు త్రివిక్రమ్ ముఖ్య అతిథిగా హాజరయ్యాడు. ఆయనతో పాటు చినబాబు, నాగవంశీ పాల్గొన్నారు. ఈ సినిమాకు టాప్ టెక్నీషియన్స్ వర్క్ చేయబోతున్నారు.
ఆస్కార్ అవార్డ్ గ్రహీత ఎంఎం కీరవాణిని ఈ సినిమాకు సంగీత దర్శకుడిగా తీసుకున్నారు. ఇక లెజండరీ సినిమాటోగ్రాఫర్ పీసీ శ్రీరామ్, ఈ సినిమాకు వర్క్ చేయబోతున్నారు. వీళ్లతో పాటు అవినాషఅ కొల్ల లాంటి టాలెంటెడ్ టెక్నీషియన్ వర్క్ చేస్తున్నాడు. హీరోయిన్ తో పాటు ఇతర వివరాల్ని త్వరలోనే వెల్లడిస్తారు.
