Arjun Rampal - రాహుల్ సంఘ్విగా అర్జున్ రాంపాల్
Arjun Ramoal - భగవంత్ కేసరి సినిమా నుంచి అర్జున్ రాంపాల్ లుక్ రిలీజైంది. ఇందులో రాహుల్ సంఘ్వి పాత్రలో కనిపించబోతున్నాడు రాంపాల్.
నందమూరి బాలకృష్ణ హీరోగా సక్సెస్ ఫుల్ డైరెక్టర్ అనిల్ రావిపూడి దర్శకత్వంలో, ప్రముఖ నిర్మాణ సంస్థ షైన్ స్క్రీన్స్ బ్యానర్‌ లో రూపొందుతున్న మోస్ట్ ఎవైటెడ్ మూవీ ‘భగవంత్ కేసరి’ చిత్రంతో నేషనల్ అవార్డ్ విన్నింగ్ యాక్టర్ అర్జున్ రాంపాల్ టాలీవుడ్‌లోకి ఎంట్రీ ఇస్తున్నారు. అర్జున్ రాంపాల్ ని రాహుల్ సంఘ్వీగా టెర్రిఫిక్ లుక్ లో పరిచయం చేస్తూ, మేకర్స్ తాజాగా అతని క్యారెక్టర్ పోస్టర్‌ను విడుదల చేశారు.
ఫస్ట్ లుక్ పోస్టర్ లో అర్జున్ రాంపాల్ డిజైనర్ వేర్‌లో సూపర్ స్టైలిష్‌గా కనిపిస్తున్నప్పటికీ, తన ఇంటెన్స్ లుక్స్ తో భయపెట్టారు. సింహాసనంపై కూర్చున్న అర్జున్ రాంపాల్ రాయల్ వైబ్స్ క్రియేట్ చేశారు.
సాహు గారపాటి, హరీష్ పెద్ది ఈ చిత్రాన్ని నిర్మిస్తున్నారు. బాలకృష్ణ సరసన కాజల్ అగర్వాల్ కథానాయికగా, నటిస్తుండగా శ్రీలీల కీలక పాత్రలో కనిపించనుంది. జాతీయ అవార్డు విన్నర్ అర్జున్ రాంపాల్ ఈ చిత్రంతో టాలీవుడ్‌లోకి అడుగుపెడుతున్నారు.
ఈ చిత్రానికి తమన్ మ్యూజిక్ అందిస్తుండగా, సి రామ్ ప్రసాద్ సినిమాటోగ్రాఫర్. భగవంత్ కేసరి దసరా కానుకగా అక్టోబర్ 19న విడుదల కానుంది. ఈ సినిమా నుంచి ఇప్పటివరకు బాలకృష్ణ, శ్రీలీల, అర్జున్ రాంపాల్ లుక్స్ ను విడుదల చేశారు. ఇక మిగిలింది కాజల్ లుక్ మాత్రమే. ఈ సినిమాతో ఆమె రీఎంట్రీ ఇస్తోంది. పెళ్లి చేసుకొని, ఓ బిడ్డకు జన్మనిచ్చిన తర్వాత తెలుగులో ఆమె చేస్తున్న సినిమా భగవంత్ కేసరి మాత్రమే. ఇన్నేళ్లయినా ఇప్పటికీ చెక్కుచెదరని అందంతో ఆకర్షిస్తోంది కాజల్. ఆమె లుక్ కోసం కాజల్ ఫ్యాన్స్ అంతా ఆసక్తిగా ఎదురుచూస్తున్నారు. మరోవైపు ఈ సినిమా నుంచి పాటల ప్రమోషన్ కూడా ఊపందుకుంది. ఇప్పటికే 2 పాటలు రిలీజయ్యాయి. మూడో సాంగ్ గా ఓ మాస్ పాటను విడుదల చేసే ఆలోచనలో యూనిట్ ఉంది.
