పుష్ప-2 కోసం మ‌రో ప‌వ‌ర్‌ఫుల్ విలన్!
హీరో అల్లు అర్జున్, డైరెక్ట‌ర్‌ సుకుమార్ ల కలయికలో వచ్చిన భారీ యాక్షన్ ఎంటర్‌టైన‌ర్ `పుష్ప : ది రైజ్`. గత ఏడాది విడుదలైన ఈ చిత్రం ఎంత సెన్సేష‌న్ సృష్టించిందో తెలిసిందే. హీరో మేనరిజమ్, శ్రీవల్లి సాంగ్ ఇలా ప్రతీదీ నెట్టింట ట్రెండ్ గా నిలిచింది.
హీరో అల్లు అర్జున్, డైరెక్ట‌ర్‌ సుకుమార్ ల కలయికలో వచ్చిన భారీ యాక్షన్ ఎంటర్‌టైన‌ర్ `పుష్ప : ది రైజ్`. గత ఏడాది విడుదలైన ఈ చిత్రం ఎంత సెన్సేష‌న్ సృష్టించిందో తెలిసిందే. హీరో మేనరిజమ్, శ్రీవల్లి సాంగ్ ఇలా ప్రతీదీ నెట్టింట ట్రెండ్ గా నిలిచింది. వరల్డ్ వైడ్ గా రూ. 360 కోట్లకు మించి వసూళ్లని రాబట్టిన ఈ చిత్రం బాలీవుడ్‌లో ఎలాంటి ప్ర‌మోష‌న్లూ లేకుండా విడుద‌లై రూ.100 కోట్ల మార్కును దాటేయ‌డం విశేషం.
ఇప్పుడు ఈ మూవీకి సీక్వెల్ గా రాబోతున్న `పుష్ప - ది రూల్` కోసం అంద‌రూ ఆసక్తిగా ఎదురుచూస్తున్నారు. ఫ‌స్ట్ పార్ట్ సంచలన విజయాన్ని సాధించి భారీ వ‌సూళ్ల‌ను రాబ‌ట్ట‌డం, సెకండ్ పార్ట్‌పై అభిమానుల్లో భారీ అంచ‌నాలు నెల‌కొన‌డంతో ఈ మూవీ బడ్జెట్ ని కూడా భారీగా పెంచేశారు. పార్ట్ 2ని దాదాపు రూ.350 కోట్ల భారీ బడ్జెట్ తో తెరపైకి తీసుకురాబోతున్నారు. సెప్టెంబ‌ర్‌ నుంచే ఈ మూవీ రెగ్యులర్ షూటింగ్ ప్రారంభం కాబోతోంది.
ఈ నేపథ్యంలో ఈ మూవీకి సంబంధించిన ఆసక్తికరమైన అప్ డేట్ ఒకటి తాజాగా బయటికి వచ్చింది. పార్ట్ 2లో పవర్ ఫుల్ విలన్ ని రంగంలోకి దించేస్తున్నారట. పార్ట్ 1 లో సునీల్, అనసూయ, అజయ్ ఘోష్, కన్నడ నటుడు ధనుంజయ.. క్లైమాక్స్ కి ముందు ఫాహద్ ఫాజిల్ ఇందులో విలన్ లుగా కనిపించారు. ఇక పార్ట్ 2 లో క‌నిపించ‌బోయే మ‌రో ప‌వ‌ర్‌ఫుల్ విలన్ పాత్ర పొలిటీషియ‌న్‌ది అని తెలుస్తోంది.
భన్వర్ సింగ్ షెకావత్, ఈ పొలిటిక‌ల్ విలన్ క‌ల‌సి పుష్ప‌రాజ్‌ని ఎలా టార్గెట్ చేస్తారు.. వారిని హీరో ఎలా ఎదుర్కొంటాడ‌నేది సెకండ్ పార్ట్‌లో మెయిన్ స్టోరీగా తెలుస్తోంది. మ‌రోప‌క్క ఫ‌స్ట్ పార్ట్‌కి అద్దిరిపోయే ట్యూన్లు ఇచ్చిన సంగీత ద‌ర్శ‌కుడు దేవీశ్రీ ప్ర‌సాద్ సెకండ్ పార్ట్‌కి కూడా ఇప్ప‌టికే కొన్ని కీల‌క ట్యూన్ల‌ను సిద్ధం చేసిన‌ట్టు స‌మాచారం.
