Dacoit | డకాయిట్ సెట్స్ పైకి శృతిహాసన్
Decoit Movie - డెకయిట్ మళ్లీ మొదలైంది. అడివి శేష్, శృతిహాసన్ పై యాక్షన్ బ్లాక్ తీస్తున్నారు.
అడివి శేష్ తాజా చిత్రం డకాయిట్. గూఢచారి-2తో పాటు ఈ సినిమా షూటింగ్ ను సమాంతరంగా కొనసాగిస్తున్నాడు అడివి శేష్. తాజాగా ఈ సినిమా కొత్త షెడ్యూల్ మొదలైంది. హైదరాబాద్ లో డకాయిట్ కోసం అన్నపూర్ణ స్టుడియోస్ లో భారీ సెట్ వేశారు. ఈ సెట్ లోనే షూటింగ్ మొదలుపెట్టారు.
హీరోయిన్‌గా నటిస్తున్న శ్రుతిహాసన్ ఈ షెడ్యూల్‌లో టీమ్‌తో జాయిన్ అయింది. ఈ షెడ్యూల్‌లో లీడ్ ఆర్టిస్టులపై యాక్షన్ పార్ట్‌ను చిత్రీకరిస్తున్నారు. ఈ సందర్భంగా శృతి హాసన్, శేష్‌తో సెల్ఫీని షేర్ చేసింది.
డకాయిట్ ఇద్దరు మాజీ ప్రేమికుల కథ. వారు తమ జీవితాల్ని మార్చుకోవడం కోసం వరుస దోపిడీలు చేయాలని నిర్ణయించుకుంటారు. దీని కోసం మళ్లీ కలుస్తారు. 'క్షణం', 'గూఢచారి'తో సహా పలు తెలుగు బ్లాక్‌బస్టర్‌లకు డివోపీగా పనిచేసిన షానీల్ డియో ఈ సినిమాతో డైరెక్టర్ గా పరిచయం అవుతున్నాడు.
అడివి శేష్, శ్రుతిహాసన్ జంటగా నటిస్తున్న తొలి చిత్రం ఇది. ఈ ప్రాజెక్ట్‌ను సుప్రియ యార్లగడ్డ నిర్మిస్తుండగా.. అన్నపూర్ణ స్టూడియోస్ ప్రజెంట్ చేస్తోంది. హిందీ, తెలుగు భాషల్లో ఏకకాలంలో చిత్రీకరిస్తున్నారు.
