Adipurush movie runtime: ఆదిపురుష్ రన్ టైమ్ లాక్

ప్రభాస్ హీరోగా నటిస్తున్న సినిమా ఆదిపురుష్. రామాయణం బేస్ చేసుకొని తీసిన ఈ సినిమాకు ఓం రౌత్ దర్శకుడు. ప్రస్తుతం భారీ అంచనాలతో విడుదలకు సిద్ధమైన ఏకైక చిత్రం ఇదొక్కటే. ఈ మూవీకి సంబంధించి తాజాగా రన్ టైమ్ లాక్ చేశారు. సినిమా రన్ టైమ్ ను 179 నిమిషాలుగా లాక్ చేశారు.

3 గంటల సినిమా అంటే నిడివి పెద్దదే. కాకపోతే రామయణాన్ని 3 గంటల్లో చెప్పడం కూడా కష్టమే. కాబట్టి, ఈ సినిమా వరకు 3 గంటల రన్ టైమ్ ను ఓకే అనుకోవచ్చు. తాజాగా ఆదిపురుష్ సెన్సార్ కార్యక్రమాలు పూర్తిచేశారు. ఈ సినిమాలో రాఘవుడిగా ప్రభాస్, జానకిగా కృతి సనన్ నటించారు.

మైథలాజికల్ మూవీ వచ్చి చాలా రోజులైంది. మరీ ముఖ్యంగా రామాయణాన్ని బేస్ చేసుకొని ఓ సినిమా వచ్చి కూడా చాలా రోజులైంది. అప్పుడెప్పుడో బాలకృష్ణ, శ్రీరామరాజ్యం అనే సినిమా చేశారు. మళ్లీ ఇన్నాళ్లకు ప్రభాస్ హీరోగా ఆదిపురుష్ వస్తోంది.

పాన్ ఇండియా లెవెల్లో, భారీ బడ్జెట్ తో తెరకెక్కింది ఆదిపురుష్ సినిమా. ప్రపంచవ్యాప్తంగా 18 భాషల్లో ఈ సినిమాను విడుదల చేయడానికి ప్లాన్ చేస్తున్నారు.