Anushka Shetty | మ‌రో ప్యాన్ ఇండియా మూవీలో అనుష్క‌ - 14 భాష‌ల్లో అనువాదం

ఇప్ప‌టివ‌ర‌కు తెలుగు, త‌మిళ సినిమాల్లో మాత్ర‌మే న‌టించిన హీరోయిన్ అనుష్క శెట్టి.. ఇప్పుడు తొలిసారిగా మ‌ల‌యాళ చిత్రంలో నటిస్తున్నారు. అది అత్యంత ప్ర‌తిష్టాత్మ‌కంగా నిర్మిస్తున్న చిత్రం కావ‌డం.. ప్యాన్ ఇండియా లెవెల్‌లో దానిని రూపొందిస్తుండ‌టం విశేషం. ఈ చిత్రాన్ని 14 భాష‌ల్లో అనువ‌దించనున్న‌ట్టు మేక‌ర్స్ చెబుతున్నారు. మ‌రో విశేష‌మేమిటంటే.. ఈ చిత్రాన్ని రెండు భాగాలుగా రూపొందిస్తుండ‌టం. తొలి భాగాన్ని 2024లో విడుద‌ల చేయ‌నున్న‌ట్టు నిర్మాత‌లు చెబుతున్నారు.

'కథనార్- ది వైల్డ్ సోర్సెరర్' (Kathanar - the wild sorcerer) పేరుతో రానున్న ఈ హ‌ర్ర‌ర్ మూవీకి సంబంధించిన గ్లింప్స్‌ను తాజాగా విడుద‌ల చేశారు. ఈ చిత్రంలో అనుష్క పాత్ర అరుంధతి తరహాలో ఉంటుందని సమాచారం. ఇందులో జ‌య‌సూర్య హీరోగా నటిస్తున్నారు. ఆయన పుట్టినరోజు సందర్భంగా విడుదల చేసిన గ్లింప్స్ ప్రస్తుతం నెటిజన్లను ఆకట్టుకుంటోంది.

కేరళలో జరిగిన కొన్ని వాస్తవ ఘటనల ఆధారంగా ఈ చిత్రం తెరకెక్కుతున్నట్లు తెలుస్తోంది. రోజిన్ థామస్ దర్శకత్వంలో రూపొందుతున్న ఈ చిత్రం రెండు భాగాలుగా విడుదల కానుంది. తన 18 ఏళ్ల కెరీర్‌లో అనుష్క ఇప్పటి వరకు తమిళ, తెలుగు సినిమాల్లో మాత్రమే నటించారు. మొదటిసారి మలయాళ చిత్రంలో నటించడం అదీ ఈ స్థాయి సినిమా కావడంతో బాక్సాఫీస్ వద్ద హాట్ టాపిక్ గా మారింది.

ఇక అనుష్క చాలా గ్యాప్ త‌ర్వాత నటించిన చిత్రం 'మిస్ శెట్టి మిస్టర్ పొలిశెట్టి' విడుదల కోసం ఆసక్తిగా ఎదురుచూస్తున్నారు. మహేశ్ బాబు. పి దర్శకత్వంలో రూపొందిన ఈ చిత్రం సెప్టెంబర్ 7న ప్రేక్షకుల ముందుకు రానుంది. ఇందులో నవీన్ పొలిశెట్టి హీరోగా నటించారు. ఆయన స్టాండప్ కమెడియన్ పాత్రలో కనిపిస్తుండగా.. అనుష్క చెఫ్‌గా నటించారు. ఈ చిత్ర బృందమంతా దీని ప్రమోషన్స్‌లో బిజీగా ఉంది. ఇప్ప‌టికే ఈ చిత్రానికి సంబంధించి విడుద‌ల చేసిన ట్రైల‌ర్ ఆస‌క్తిక‌రంగా ఉండ‌టంతో ఈ సినిమా విడుద‌ల కోసం సినీ అభిమానులు ఆస‌క్తిగా ఎదురుచూస్తున్నారు.