Lava Yuva 3 Pro | లావా నుంచి బ‌డ్జెట్ ఫ్రెండ్లీ ఫోన్ లావా యువ‌3 ప్రో.. ధ‌రెంతో తెలుసా..?!

Lava Yuva 3 Pro | ప్ర‌ముఖ దేశీయ‌ స్మార్ట్ ఫోన్ల త‌యారీ సంస్థ లావా (Lava) త‌న బ‌డ్జెట్ సెగ్మెంట్ ఫోన్‌ లావా యువ‌3 ప్రో (Lava Yuva 3 Pro) ఫోన్‌ను బుధ‌వారం దేశీయ మార్కెట్లో ఆవిష్క‌రించింది. ఈ ఫోన్ ఏజీ గ్లాబ్ బ్యాక్ (AG glass back)తో మూడు విభిన్న క‌ల‌ర్ ఆప్ష‌న్ల‌లో ల‌భిస్తుంది. లావా యువ‌3 ప్రో (Lava Yuva 3 Pro) ఫోన్ యూనిసోక్ టీ616 ఎస్వోసీ (Unisoc T616 SoC) విత్ 8 జీబీ ర్యామ్‌తో వ‌స్తున్న‌ది. డ్యుయ‌ల్ రేర్ కెమెరా విత్ 50-మెగా పిక్సెల్ మెయిన్ సెన్స‌ర్ కెమెరా, హెచ్‌డీ+ డిస్‌ప్లేతో 18 వాట్ల ఫాస్ట్ చార్జింగ్ మద్ద‌తుతో 5000 ఎంఏహెచ్ కెపాసిటీ గ‌ల బ్యాట‌రీతో వ‌స్తున్న‌దీ ఫోన్‌. సెక్యూరిటీ కోసం సైడ్ మౌంటెడ్ ఫింగ‌ర్ ప్రింట్ స్కాన‌ర్ క‌లిగి ఉంటుంది.

లావా యువ3 ప్రో (Lava Yuva 3 Pro) ఫోన్ 8 జీబీ ర్యామ్ విత్ 128 జీబీ ఇంట‌ర్న‌ల్ స్టోరేజీ వేరియంట్ ధ‌ర రూ.8,999 మాత్ర‌మే. డ‌స‌ర్ట్ గోల్డ్, ఫారెస్ట్ విరిడాన్‌, మేడో ప‌ర్పుల్ క‌ల‌ర్ ఆప్ష‌న్ల‌లో ల‌భిస్తుంది. లావా ఈ-స్టోర్‌, లావా రిటైల్ నెట్‌వ‌ర్క్ షాపుల్లో బుధ‌వారం నుంచే ల‌భిస్తుంది.

లావా యువ‌3 ప్రో (Lava Yuva 3 Pro) ఫోన్ డ్యుయ‌ల్ సిమ్ (నానో)తో రావ‌డంతోపాటు ఆండ్రాయిడ్ 13 (Android 13) వ‌ర్ష‌న్‌పై ప‌ని చేస్తుంది. అలాగే ఆండ్రాయిడ్ 14 (Android 14) వ‌ర్ష‌న్‌, సెక్యూరిటీ అప్‌డేట్స్ రెండేండ్లు అందిస్తుంది. ఈ ఫోన్‌ 6.5-అంగుళాల హెచ్‌డీ+ (720x1,600 పిక్సెల్స్‌) డిస్‌ప్లే విత్ 269పీపీఐ పిక్సెల్ డెన్సిటీ అండ్ 90 హెర్ట్జ్ రీఫ్రెష్ రేట్ క‌లిగి ఉంటుంది. ఒక్టాకోర్ యూనిసోక్ టీ616 ఎస్వోసీ (octa-core Unisoc T616 SoC) క‌లిగి ఉంటుంది. 8జీబీ ర్యామ్‌తో వ‌స్తున్న ఈ ఫోన్‌.. వ‌ర్చువ‌ల్‌గా 16 జీబీ ర్యామ్‌కు పొడిగించుకోవ‌డంతోపాటు అద‌నంగా ఇంట‌ర్న‌ల్ స్టోరేజీ కెపాసిటీ పెంచుకోవ‌చ్చు.

లావా యువ‌3 ప్రో (Lava Yuva 3 Pro) ఫోన్ ఎల్ఈడీ ఫ్లాష్‌తోపాటు ఆర్టిఫిషియ‌ల్ ఇంటెలిజెన్స్ (AI-backed) బ్యాక్డ్ 50- మెగా పిక్సెల్ డ్యుయ‌ల్ రేర్ కెమెరా క‌లిగి ఉంటుంది. హెచ్‌డీఆర్‌, పోర్ట్ర‌యిట్‌, ప‌నోర‌మా, బ‌ర్ట్స్‌, స్లో మోష‌న్‌, నైట్‌, టైం ల్యాప్స్ ఫోటోగ్రాఫీ త‌దిత‌ర మోడ్స్‌కు మ‌ద్ద‌తుగా నిలుస్తుంది. సెల్ఫీలూ వీడియో కాల్స్ కోసం స్క్రీన్ ఫ్లాష్‌తోపాటు 8-మెగా పిక్సెల్ సెన్స‌ర్ కెమెరా కూడా వ‌స్తోంది. 128 జీబీ ఇంట‌ర్న‌ల్ స్టోరేజీ కెపాసిటీ గ‌ల ఈ ఫోన్‌లో మైక్రో ఎస్డీ కార్డ్ సాయంతో 512 జీబీ ఇంట‌ర్న‌ల్ స్టోరేజీ పెంచుకోవ‌చ్చు.

లావా యువ‌3 ప్రో (Lava Yuva 3 Pro) ఫోన్ 4జీ వోల్ట్‌, బ్లూటూత్‌ 5, జీపీఆర్ఎస్‌, ఓటీజీ, వై-ఫై 802.11బీ/జీ/ఎన్‌ / ఏసీ, 3.5 ఎంఎం ఆడియో జాక్‌, యూఎస్బీ టైప్‌-సీ పోర్ట్ క‌నెక్టివిటీ క‌లిగి ఉంటుంది. అథంటికేష‌న్ కోసం సైడ్ మౌంటెడ్ ఫింగ‌ర్ ప్రింట్ సెన్స‌ర్‌, ఫేస్ అన్‌లాక్ ఫీచ‌ర్ ఉంటాయి. యాక్సెలెరో మీట‌ర్‌, అంబియెంట్ లైట్ సెన్స‌ర్, ప్రాగ్జిమిటీ సెన్స‌ర్ ఉంటాయి.

లావా యువ‌3 ప్రో (Lava Yuva 3 Pro) ఫోన్ 18 వాట్ల చార్జింగ్ మ‌ద్ద‌తుతో 5000 ఎంఏహెచ్ కెపాసిటీ గ‌ల బ్యాట‌రీతో వ‌స్తుంది. సింగిల్ చార్జింగ్‌తో 500 గంట‌ల వ‌ర‌కూ స్టాండ్‌బై టైం, 38 గంట‌ల టాక్ టైం సామ‌ర్థ్యం క‌లిగి ఉంటుంది. సింగిల్ చార్జింగ్‌తో 468 నిమిషాల యూ-ట్యూబ్ ప్లేబ్యాక్ టైం ఉంటుంది.