గుక్కెడు నీళ్లకోసం ...! (కవిత)

కత్తినిప్పుడు

నెత్తి నెక్కించుకోనక్కర్లేదు

నెత్తుటి మొగ్గ

విఛ్ఛిత్తి కావడం వింత కాదిప్పుడు..

గుండె గొతుక్కి గుక్కెడు నీళ్ళిమ్మని

కండ్లకు గండ్లు పడేలా ప్రార్ధించేది

మానవత్వం మాటలు విప్పాకనే...

మబ్బుల చెవుల్ని పిండి

మంచితనపు వర్షం

కురిపించగలగడమే

ప్రార్ధించే మనసుకు సుప్రభాతం !

సేవ చేద్దామనే లక్ష్యం సెలయెరై

మానసం నిష్కల్మష సరోవరమైతే

ఖాళీ చూపు కూదా పాశుపతాస్త్రమై

పాతాళ గంగను శాసిస్తుంది...

పైకి తెస్తుంది.

అపర భగీరత్వ సిద్దికి

ఆశయం గులకరాయి

ఒక్కటి చాలు!

-కొత్తపల్లి ఉదయబాబు

(సికిందరాబాద్)