చిత్తూరులో గూండాగిరి.. అది ఫేక్ న్యూస్ అంటున్న టీడీపీ
చిత్తూరులో జరిగినట్టుగా చెబుతున్న వీడియో పర్సనల్ గొడవకి సంబంధించినది అని టీడీపీ అంటోంది. వైసీపీ ఫేక్ న్యూస్ ప్రచారం చేస్తోందని మండిపడుతూ టీడీపీ అఫిషియల్ ట్విట్టర్ అకౌంట్ లో ఓ పోస్టింగ్ ఉంచింది.
![చిత్తూరులో గూండాగిరి.. అది ఫేక్ న్యూస్ అంటున్న టీడీపీ చిత్తూరులో గూండాగిరి.. అది ఫేక్ న్యూస్ అంటున్న టీడీపీ](https://www.teluguglobal.com/h-upload/2024/06/19/1337740-ap.webp)
ఏపీలో ఎన్నికల అల్లర్లకు కొనసాగింపుగా ఇప్పుడు మరిన్ని గొడవలు జరుగుతున్నాయి. టీడీపీ రివేంజ్ పాలిటిక్స్ కి పాల్పడుతోందనేది వైసీపీ ఆరోపణ. వైసీపీవి తప్పుడు ఆరోపణలు అంటూ టీడీపీ కౌంటర్లిస్తోంది. ఈ క్రమంలో సోషల్ మీడియాలో గొడవలు జరుగుతున్న ఏ వీడియో వైరల్ అయినా దానికి రాజకీయ పార్టీల రంగులేస్తున్నారు. తాజాగా చిత్తూరు జిల్లాకు సంబంధించి సోషల్ మీడియాలో ఓ వీడియో వైరల్ అయింది. ఆ దాడికి చిత్తూరు ఎమ్మెల్యే గురజాల జగన్మోహన్ తమ్ముడికి సంబంధం ఉందని వైసీపీ ఆరోపిస్తోంది. వైసీపీ అధికారిక ట్విట్టర్ అకౌంట్ లో కూడా ఆ వీడియో పోస్ట్ చేసి విమర్శలు సంధించారు. దీంతో టీడీపీ రియాక్ట్ అయింది.
ఫేక్ న్యూస్ : @YSRCParty నీ నీచపు బుద్ధి మారదా ? టీడీపీ ఎమ్మెల్యే గురజాల జగన్మోహన్ తమ్ముడుకి, ఈ దాడితో ఎటువంటి సంబంధం లేదు. అది వ్యక్తిగత తగాదా వల్ల జరిగిన గొడవ. వివరాలు తెలిసిన వెంటనే పోలీసులుకేసు నమోదు చేసి, నిందితులని అరెస్ట్ చేసారు కూడా. ఘటన పై FIR కూడా నమోదు అయ్యింది,… pic.twitter.com/aEbmIWHH4a
— Telugu Desam Party (@JaiTDP) June 19, 2024
అది పర్సనల్ గొడవ..
చిత్తూరులో జరిగినట్టుగా చెబుతున్న వీడియో పర్సనల్ గొడవకి సంబంధించినది అని టీడీపీ అంటోంది. వైసీపీ ఫేక్ న్యూస్ ప్రచారం చేస్తోందని మండిపడుతూ టీడీపీ అఫిషియల్ ట్విట్టర్ అకౌంట్ లో ఓ పోస్టింగ్ ఉంచింది. అది వ్యక్తిగత తగాదా వల్ల జరిగిన గొడవ అని, వివరాలు తెలిసిన వెంటనే పోలీసులు కేసు నమోదు చేసి, నిందితులని అరెస్ట్ చేశారని వివరించారు టీడీపీ నేతలు. ఈ ఘటనపై FIR కూడా నమోదైందని అంటున్నారు. టీడీపీ ఎమ్మెల్యేకి కానీ, ఎమ్మెల్యే అనుచరులకి కానీ ఈ ఘటనతో సంబంధం లేదంటున్నారు.
ఏది నిజం..?
ఎక్కడ ఏ గొడవ జరిగినా ఫలానా పార్టీకి సంబంధం ఉంది అంటూ ప్రచారం జరుగుతోంది. బాధితులు ఫలానా పార్టీ వారని, దాడికి పాల్పడిన వారు ఫలానా పార్టీ అనుచరులని అంటున్నారు. ఏ ఇద్దరి మధ్య గొడవ జరిగినా రాజకీయం చేసేస్తున్నారు. తాజాగా చిత్తూరు గొడవ కూడా ఇలాగే రాజకీయాలకు కేంద్రబిందువైంది. దీనిపై వైసీపీ, టీడీపీ.. సోషల్ మీడియాలో దుమ్మెత్తిపోసుకుంటున్నాయి.