`యాత్ర‌-2`కు సూప‌ర్‌ క్రేజ్‌.. యూఎస్‌లో వైఎస్ అభిమానుల భారీ ర్యాలీ

వైఎస్ రాజ‌శేఖ‌ర‌రెడ్డి రాజ‌కీయ ప్ర‌స్థానంలో కీల‌క ఘ‌ట్టాల‌తో గ‌త ఎన్నిక‌ల స‌మయంలో తీసిన యాత్ర సినిమా ప్రేక్ష‌కాద‌ర‌ణ పొందింది. ఇప్పుడు వైఎస్ఆర్‌ త‌న‌యుడు జ‌గ‌న్ రాజ‌కీయ అరంగేట్రం, 2009 నుంచి ఆంధ్ర‌ప్ర‌దేశ్‌లో చోటు చేసుకున్న కీల‌క రాజ‌కీయ ప‌రిణామాల‌తో యాత్ర-2 సినిమా ద‌ర్శ‌కుడు మ‌హి వి రాఘ‌వ‌ చిత్రీక‌రించారు. విడుద‌ల‌కు ప‌లు అవాంత‌రాలు ఏర్ప‌డినా అన్నింటినీ దాటుకొని ఈ నెల 8న విడుద‌ల కానుంది. అమెరికాలో ఫిబ్ర‌వ‌రి 7నే యాత్ర‌-2 రిలీజ్ కానుంది

భారీ ర్యాలీ తీసిన అభిమానులు

యాత్ర-2 సినిమాకు వ‌స్తున్న క్రేజ్ చూసి అమెరికాలోని టెక్సాస్‌, ఫ్లోరిడాల్లో స్పెష‌ల్ ప్రీమియ‌ర్ షోలు వేయ‌డానికి సిద్ధం చేశారు. ఈ సినిమా విడుద‌లను పుర‌స్క‌రించుకుని అమెరికాలో వేల మంది వైఎస్ఆర్‌, జ‌గ‌న్ అభిమానులు కార్లు, ద్విచ‌క్ర‌వాహ‌నాల్లో యాత్ర 2 పోస్ట‌ర్లు చేత బ‌ట్టుకుని భారీ ర్యాలీ నిర్వ‌హించారు. తండ్రి మ‌ర‌ణం త‌రువాత జ‌గ‌న్ ఎదుర్కొన్న ఇబ్బందులు, రాజ‌కీయాల్లో ప్ర‌జానేత‌గా ఎద‌గ‌డం, టీడీపీతో పాటు ఇత‌ర రాజ‌కీయ పార్టీలు ప‌న్నిన కుట్ర‌ల‌ను ఈ సినిమాలో చూపించ‌బోతున్నారు.