అన్న‌మ‌య్య జిల్లాలో ఘోరం.. - బ‌స్సు, ఆయిల్ ట్యాంకర్ ఢీ.. ఐదుగురు మృతి
కడప నుంచి తిరుపతికి వెళ్తున్న ఆర్టీసీ బస్సును ఎదురుగా వచ్చిన ఆయిల్ ట్యాంకర్ వేగంగా ఢీకొట్ట‌డంతో బ‌స్సులో ప్ర‌యాణిస్తున్న వారిలో ముగ్గురు అక్క‌డిక‌క్క‌డే ప్రాణాలు కోల్పోయారు.
ఆర్టీసీ బ‌స్సు, ఆయిల్ ట్యాంకర్ ఢీకొన్న ప్ర‌మాదంలో ఐదుగురి ప్రాణాలు గాల్లో క‌లిసిపోయాయి. అన్న‌మ‌య్య జిల్లా పుల్లంపేట మండ‌లంలో శ‌నివారం సాయంత్రం ఈ ఘోర దుర్ఘ‌ట‌న జ‌రిగింది. ఈ ఘ‌ట‌న‌లో మ‌రో 20 మంది గాయాల‌పాల‌య్యారు. గాయ‌ప‌డిన‌వారిని తిరుప‌తి, రాజంపేట ప్ర‌భుత్వాస్ప‌త్రుల‌కు త‌ర‌లించి చికిత్స అందిస్తున్నారు. పుల్లంపేట సమీపంలోని మలుపు వద్ద జాతీయ రహదారిపై ఈ ఘ‌ట‌న జ‌రిగింది.
కడప నుంచి తిరుపతికి వెళ్తున్న ఆర్టీసీ బస్సును ఎదురుగా వచ్చిన ఆయిల్ ట్యాంకర్ వేగంగా ఢీకొట్ట‌డంతో బ‌స్సులో ప్ర‌యాణిస్తున్న వారిలో ముగ్గురు అక్క‌డిక‌క్క‌డే ప్రాణాలు కోల్పోయారు. మ‌రో ఇద్ద‌రు ఆస్ప‌త్రిలో చికిత్స పొందుతూ మృతిచెందారు. ఈ ఘ‌ట‌న‌కు కార‌ణం ట్యాంకర్ డ్రైవ‌ర్ అతి వేగ‌మేన‌ని పోలీసులు, స్థానికులు చెబుతున్నారు.
Next Story
