స్కూల్ బస్సును ఢీకొన్న లారీ.. ఒకరి మృతి – 15 మంది విద్యార్థులకు గాయాలు
నెల్లూరు జిల్లాలో స్కూల్ బస్సును లారీ ఢీకొనడంతో బస్సు క్లీనర్ మృతిచెందాడు. ఈ ఘటనలో 15 మంది విద్యార్థులకు గాయాలయ్యాయి.
![స్కూల్ బస్సును ఢీకొన్న లారీ.. ఒకరి మృతి – 15 మంది విద్యార్థులకు గాయాలు స్కూల్ బస్సును ఢీకొన్న లారీ.. ఒకరి మృతి – 15 మంది విద్యార్థులకు గాయాలు](https://www.teluguglobal.com/h-upload/2024/07/02/1340923-bus-killed.webp)
నెల్లూరు జిల్లాలో స్కూల్ బస్సును లారీ ఢీకొనడంతో బస్సు క్లీనర్ మృతిచెందాడు. ఈ ఘటనలో 15 మంది విద్యార్థులకు గాయాలయ్యాయి. కావలి వద్ద జాతీయ రహదారిపై మంగళవారం ఉదయం ఈ ఘటన జరిగింది. ప్రమాదం జరిగిన వెంటనే స్థానికులు స్పందించి గాయపడినవారిని సమీప ఆస్పత్రులకు చికిత్స నిమిత్తం తరలించారు.
ప్రమాదానికి గురైన ఆర్ఎస్ఆర్ ఇంటర్నేషనల్ స్కూల్ బస్సులో ప్రమాదం జరిగిన సమయంలో 30 మంది విద్యార్థులు ఉన్నారు. ఈ ఘటన సమాచారం తెలుసుకున్న విద్యార్థుల తల్లిదండ్రులు తీవ్ర ఆందోళనకు గురయ్యారు. వెంటనే ఘటనాస్థలికి చేరుకున్న తల్లిదండ్రులు గాయపడిన తమ పిల్లలను చూసి కన్నీరు పెట్టుకున్నారు. సమాచారం అందుకున్న పోలీసులు వెంటనే ఘటనాస్థలికి చేరుకొన్నారు.
ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. ప్రమాదానికి కారణం డ్రైవర్ నిర్లక్ష్యమా, అతి వేగమా అన్న కోణాల్లో విచారణ చేస్తున్నారు.