రేపు టీటీడీ ఆర్జితసేవా టికెట్ల ఏప్రిల్ నెల కోటా విడుదల
శ్రీవారి ఆర్జిత సేవా టికెట్ల ఏప్రిల్ నెల కోటా శనివారం ఉదయం టీటీడీ విడుదల చేయనుంది
తిరుమ‌ల శ్రీవారి ఆర్జిత సేవా టికెట్ల ఏప్రిల్ నెల కోటా విడుదల తేదీని టీటీడీ ప్రకటించింది. జ‌న‌వ‌రి 18న ఉదయం 10 గంటలకు ఆన్‌లైన్‌లో ఈ టికెట్లను రిలీజ్ చేయనుంది. ఈ ఆర్జిత సేవా టికెట్ల రిజిస్ట్రేషన్ కోసం జ‌న‌వ‌రి 18 నుండి 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. ఈ టికెట్ల కోసం 20వ తేదీ ఉదయం 10 గంటల వరకు ఆన్‌లైన్‌లో రిజిస్ట్రేషన్ చేసుకోవచ్చు. లక్కీ డిప్‌లో ఎంపికైన వారికి టికెట్ల కేటాయింపు జరుగనుంది. అలాగే కల్యాణం, ఊంజల్ సేవ, ఆర్జిత బ్రహ్మోత్సవం, సహస్త్ర దీపాలంకరణ సేవా టికెట్లను ఈనెల 21న ఉదయం 10 గంటలకు విడుదల చేయనుంది. రూ.300 టికెట్లు ఈనెల 24వ తేదీన విడుదల కానున్నాయి.
వృద్ధులు, వికలాంగులకు కల్పించే ప్రత్యేక ప్రవేశ దర్శనం ఆన్ లైన్ కోటాను జ‌న‌వ‌రి 23న మధ్యాహ్నం 3 గంటలకు టీటీడీ విడుదల చేయనుంది. అలాగే జ‌న‌వ‌రి 24న ఉదయం 10 గంటలకు రూ.300 ప్రత్యేక ప్రవేశ దర్శనం ఏప్రిల్ నెల కోటాను ఆన్‌లైన్‌లో విడుదల చేస్తారు. ఏప్రిల్ నెలకు సంబంధించి గదుల కోటాను ఇదే రోజు మధ్యాహ్నం 3 గంటలకు ఆన్‌లైన్‌లో విడుదల చేయనున్నట్లు టీటీడీ ప్రకటనలో తెలిపింది.శ్రీవారి భక్తులు https://ttdevasthanams.ap.gov.in వెబ్‌సైట్ ద్వారా ఆర్జిత‌సేవ‌లు, దర్శనం టికెట్లుబుక్ చేసుకోవాలని సూచించింది.
