ఏపీలో గ్రూప్-1 మెయిన్స్ ప‌రీక్ష వాయిదా
ప్ర‌స్తుతం జ‌రగ‌నున్న సివిల్స్ ఇంట‌ర్వ్యూల‌కు ఏపీపీఎస్సీ గ్రూప్-1 అభ్య‌ర్థుల్లో దాదాపు 25 మంది హాజ‌రుకావాల్సి ఉంది. ఆ ఇంట‌ర్వ్యూల నేప‌థ్యంలో ఏపీపీఎస్సీ ఈ నిర్ణ‌యం తీసుకుంది.
ఏపీలో ఏప్రిల్ నెల‌లో నిర్వ‌హించాల్సిన గ్రూప్-1 మెయిన్స్ ప‌రీక్ష వాయిదా ప‌డింది. ముందుగా ప్ర‌క‌టించిన షెడ్యూలు ప్ర‌కారం.. ఏప్రిల్ 23 నుంచి 29 వ‌ర‌కు ఈ ప‌రీక్ష నిర్వ‌హించాల్సి ఉంది. తాజాగా ఆ పరీక్షను జూన్ మొద‌టి వారంలో నిర్వ‌హించ‌నున్న‌ట్టు ఏపీపీఎస్సీ ప్ర‌క‌టించింది. ఈ మేర‌కు మంగ‌ళ‌వారం ప్ర‌క‌ట‌న జారీ చేసింది.
2022 సివిల్స్ ఫేజ్‌-3 ఇంట‌ర్వ్యూల షెడ్యూలు గ్రూప్ ప‌రీక్ష‌ల స‌మ‌యంలోనే నిర్వ‌హించాల్సి ఉండ‌టంతో ఏపీపీఎస్సీ ఈ నిర్ణ‌యం తీసుకున్న‌ట్టు ప్ర‌క‌టించింది. సివిల్స్ ఇంట‌ర్వ్యూల షెడ్యూలు సోమ‌వారం విడుద‌ల కావ‌డం గ‌మ‌నార్హం. సివిల్స్ ఇంట‌ర్వ్యూలు ఏప్రిల్ 24 నుంచి మే 18 వ‌ర‌కు నిర్వ‌హించ‌నున్నారు. ఈ నేప‌థ్యంలో ఏపీపీఎస్సీ గ్రూప్-1 మెయిన్స్ పరీక్షను జూన్ 3 నుంచి 9 వ‌ర‌కు నిర్వ‌హించాల‌ని నిర్ణ‌యించింది.
ప్ర‌స్తుతం జ‌రగ‌నున్న సివిల్స్ ఇంట‌ర్వ్యూల‌కు ఏపీపీఎస్సీ గ్రూప్-1 అభ్య‌ర్థుల్లో దాదాపు 25 మంది హాజ‌రుకావాల్సి ఉంది. ఆ ఇంట‌ర్వ్యూల నేప‌థ్యంలో ఏపీపీఎస్సీ ఈ నిర్ణ‌యం తీసుకుంది. సివిల్స్ ఇంట‌ర్వ్యూల‌కు హాజ‌ర‌య్యే అభ్య‌ర్థుల భ‌విష్య‌త్తును దృష్టిలో ఉంచుకొని మెయిన్స్ ప‌రీక్ష వాయిదా వేసిన‌ట్టు ఏపీపీఎస్సీ స‌భ్యుడు స‌లాం బాబు చెప్పారు.
