అది పాము కళేబరం కాదు.. ఏపీ ప్రభుత్వం వివరణ
ఐసీడీఎస్ పీడీ.. ఈ ఘటనపై విచారణ చేపట్టారు. పౌష్టికాహారం అందుకున్న గర్భిణి మానసను విచారించారు. ఆ ప్యాకెట్ ని ఈ నెల నాలుగో తేదీ పంపిణీ చేశారని, అందులో ఎండు ఖర్జూరం ప్యాకెట్ ను మంగళవారం తెరిచినట్లు ఆమె పీడీకి చెప్పారు.
వైఎస్సార్ సంపూర్ణ పోషణ.. అంటూ గర్భిణిలు, బాలింతలకు ఇచ్చే పౌష్టికాహార ప్యాకెట్లలో పాము కళేబరం వచ్చిందంటూ ఏపీలో రచ్చ జరిగింది. ఖర్జూరం ప్యాకెట్ లో పాము కళేబరం బయటపడిందని వీడియో ఆధారాలతో ఓ మహిళ ఫిర్యాదు చేయడంతో ఈ గొడవ మొదలైంది. చిత్తూరు జిల్లా జంబువారిపల్లె పంచాయతీ శాంతినగర్‌ అంగన్‌ వాడీ కేంద్రంలో పంపిణీ చేసిన ప్యాకెట్ లో పాము కళేబరం బయట పడిందని ముందు సోషల్ మీడియాలో ముందుగా ప్రచారం జరిగింది. ఆ తర్వాత ఎల్లో మీడియా దాన్ని క్యాచ్ చేసింది. హైలైట్ చేసింది. ప్రభుత్వంపై తీవ్ర విమర్శలు ఎక్కుపెట్టింది. దీనిపై ఈరోజు సాక్షి వివరణ ఇచ్చింది.
అది పాము కళేబరం కాదు..
ఐసీడీఎస్ పీడీ.. ఈ ఘటనపై విచారణ చేపట్టారు. పౌష్టికాహారం అందుకున్న గర్భిణి మానసను విచారించారు. ఆ ప్యాకెట్ ని ఈ నెల నాలుగో తేదీ పంపిణీ చేశారని, అందులో ఎండు ఖర్జూరం ప్యాకెట్ ను మంగళవారం తెరిచినట్లు ఆమె పీడీకి చెప్పారు. అందులో పాము లాంటి వస్తువు ఉండడంతో ఆ విషయాన్ని అంగన్వాడీ కార్యకర్త జానకి దృష్టికి తీసుకు వెళ్లినట్లు ఆమె పేర్కొన్నారు. అయితే అది పాము కళేబరమా కాదా అనేది మాత్రం తెలియలేదన్నారు.
ప్లాస్టిక్ వస్తువు..
ఐసీడీఎస్ పీడీ మాత్రం అది పాము కళేబరం కాదని అంటున్నారు. అది కేవలం ఓ ప్లాస్టిక్ వస్తువు మాత్రమేనని చెబుతున్నారు. పాము కళేబరం అయితే విరిగిపోయి ఉండేదని, కానీ అది గట్టిగా ఉందని ఆమె వివరణ ఇచ్చారు. ప్యాకింగ్ సమయంలో గట్టిగా ఉన్న ప్లాస్టిక్ వస్తువు ఎండు ఖర్జూరం ప్యాకెట్ లో కలసిపోయి ఉంటుందని అన్నారు. ఆ వస్తువు గట్టిగా ఉందని, అక్కడక్కడ పచ్చచుక్కలు ఉన్నాయని చెప్పారు. దాన్ని ల్యాబ్‌ కు పంపుతున్నట్టు వివరణ ఇచ్చారు. పాము కళేబరం ప్యాకెట్ లో ఉంటే వాసన వచ్చేదని అధికారులంటున్నారు.
♦
