ఏపీలో డీఎస్సీ నోటిఫికేషన్‌ విడుదల.. ఎగ్జామ్ డేట్స్ ఇవే

ఆంధ్ర‌ప్ర‌దేశ్‌లోని నిరుద్యోగులకు గుడ్‌న్యూస్ చెప్పింది జగన్ సర్కార్‌. మొత్తం 6,100 టీచర్ పోస్టుల భర్తీ కోసం ఏపీ డీఎస్సీ -2024 నోటిఫికేషన్‌ను మంత్రి బొత్స సత్యనారాయణ విడుదల చేశారు. ఈ నెల 12 నుంచి డీఎస్సీ ప్రక్రియ ప్రారంభించనున్నట్లు చెప్పారు.

మొత్తం 6,100 టీచర్ పోస్టుల్లో SGT - 2280, టీజీటీ - 1264, స్కూల్ అసిస్టెంట్‌ - 2,299, పీజీటీ - 215 పోస్టులు ఉన్నాయి. ఈ నెల 12 నుంచి 22 వరకు ఆన్‌లైన్‌లో దరఖాస్తుల స్వీకరణ కార్యక్రమం కొనసాగనుంది. మార్చి 5 నుంచి హాల్‌ టికెట్లు డౌన్‌లోడ్‌ చేసుకునే వెసులుబాటు కల్పించనున్నారు.

ఈ నెల 27 నుంచి మార్చి 9 వరకు టెట్‌ పరీక్ష నిర్వహించనున్నారు. మార్చి 14న టెట్‌ తుదిఫలితాలు వెల్లడించనున్నారు. మార్చి 15 నుంచి 30 వరకు రెండు సెషన్స్‌లో డీఎస్సీ పరీక్షలు నిర్వహించనున్నారు. మార్చి 31న ప్రాథమిక కీ విడుదల చేయనున్నారు. ఏప్రిల్ 7న ఫలితాలు విడుద‌ల చేయనున్నారు.