ఏపీ క్యాబినెట్‌ నిర్ణయాలివే
రాష్ట్రంలోని చేనేత కార్మికుల ఇళ్లకు 200 యూనిట్ల వరకు, పవర్‌ లూమ్స్‌కు 500 యూనిట్ల వరకు ఉచిత విద్యుత్‌ ఇవ్వడానికి ఏపీ క్యాబినెట్‌ ఆమోదం
రాష్ట్రంలోని చేనేత కార్మికుల ఇళ్లకు 200 యూనిట్ల వరకు, పవర్‌ లూమ్స్‌కు 500 యూనిట్ల వరకు ఉచిత విద్యుత్‌ ఇవ్వడానికి ఏపీ క్యాబినెట్‌ ఆమోదం తెలిపింది. సెక్రటేరియేట్‌లో సీఎం చంద్రబాబు అధ్యక్షతన క్యాబినెట్‌ సమావేశం జరిగింది. ఈ భేటీలో టీచర్స్‌ బదిలీల నియంత్రణ చట్ట సవరణ బిల్లుకు ఆమోదముద్ర వేశారు. రాజధాని అమరావతిలో భూ కేటాయింపులకు సంబంధించిన మంత్రివర్గ ఉప సంఘం నిర్ణయాలకు మంత్రివర్గం ఆమోదం లభించింది. ఎస్సీ వర్గీకరణ అంశంపైనా క్యాబినెట్‌ భేటీలో చర్చ జరిగింది. ఈ అంశంపై ఇటీవల రాజీవ్‌ రంజన్‌ మిశ్రా కమిషన్‌ ప్రభుత్వానికి నివేదిక సమర్పించింది. ఆ నివేదికకు మంత్రివర్గం ఆమోదం తెలిపింది.
మరిన్ని క్యాబినెట్‌ నిర్ణయాలివే..
- నంబూరులో వీవీఐటీయూకు ప్రైవేట్‌ యూనివర్సిటీ హోదా కల్పిస్తూ నిర్ణయం
- అనంతపురం, సత్యసాయి జిల్లాల్లో రెన్యూవబుల్‌ ఎనర్జీ ప్లాంట్ల ఏర్పాటునకు ఆమోదం
- పలు సంస్థలకు భూ కేటాయింపులకు మంత్రివర్గం గ్రీన్‌సిగ్నల్‌
- వైఎస్సార్‌ తాడిగడప మున్సిపాలిటీ పేరు ఇకపై తాడిగడప మున్సిపాలిటీగా మార్పు చేస్తూ క్యాబినెట్‌ నిర్ణయం
- సీఎం కార్యాలయంలో ముగ్గురు ఫొటోగ్రాఫర్లు, వీడియోగ్రాఫర్ల పోస్టులకు మంత్రివర్గం ఆమోదముద్ర వేసింది.
Next Story