ఆఫీసులో 8 గంటలు పని చేస్తున్నారా? అయితే మీ గుండె పదిలం..!

ఆఫీస్‌లో 8 గంటలు పనిచేసే వారు గుండె సంబంధ వ్యాధుల బారిన పడే అవకాశాలు ఎక్కువగా ఉన్నాయని పరిశోధకుల అధ్యయనంలో తేలింది. ఇది స్ట్రోక్ లేదా గుండెపోటు వచ్చే అవకాశాలను కూడా పెంచుతుంది. అనారోగ్యకరమైన జీవనశైలి, శరీర అవయవాలపై దాని ప్రభావాల గురించి వైద్య నిపుణులు చాలా కాలంగా మనల్ని హెచ్చరిస్తునే ఉన్నారు.

చైనీస్ అకాడమీ ఆఫ్ మెడికల్ సైన్సెస్, పెకింగ్ యూనియన్ మెడికల్ కాలేజీ నిర్వహించిన ఒక అధ్యయనం ప్రకారం, రోజుకు ఎనిమిది గంటలు తమ డెస్క్‌ల ముందు కూర్చునే ఉద్యోగులకు గుండెపోటు లేదా స్ట్రోక్ వచ్చే అవకాశాలు 20% ఎక్కువ ఉన్నాయట.

11 సంవత్సరాల కాలంలో, పరిశోధకులు 21 దేశాల నుండి 105,677 మంది వ్యక్తుల రికార్డులను పరిశీలించాగా అందులో రీసెచ్ ముగిసే సమయానికి 6,200 మందికి పైగా మరణించారు. 2,300 మందికి గుండెపోటు, 3,000 స్ట్రోకులు 700 గుండె వైఫల్యం కేసులుగా తేలాయి. శారీరక శ్రమ లేకపోవడంతో పాటు ఎక్కువసేపు కూర్చోవడం వల్ల 8.8% మరణాలు మరియు 5.8% గుండె జబ్బులు సంభవించాయని అధ్యయనాలు చెబుతున్నాయి. అందువల్ల వైద్యులు పని మధ్యలో ప్రతి ఉద్యోగి సాధారణ విరామం తీసుకోవాలంటున్నారు.

ఎక్కువసేపు కూర్చోవడం వల్ల కలిగే ఇతర ఆరోగ్య సమస్యలు..

ఒకే యాంగిల్ లో గంటలతరబడి కూర్చోవడం, మానసిక ఆరోగ్యానికి ఒత్తిడి స్థాయిలను పెంచడానికి కారణం అవుతుంది. దీంతో ఊబకాయం, రక్తపోటు, మధుమేహం, పెరిగిన కొలెస్ట్రాల్, ఆస్టియో ఆర్థరైటిస్ వంటి ఇతర ఆరోగ్య ప్రమాదాలు కూడా లాంగ్ డెస్క్ జాబ్స్ వల్ల కలిగే కొన్ని సాధారణ ఆరోగ్య సమస్యలు. ఇవన్నీ గుండె వైఫల్యానికి దారితీస్తాయి.

డెస్క్ జాబ్ సంబంధిత ఆరోగ్య సమస్యల నుండి బయటపడటానికి చిట్కాలు..

1. దాదాపు ప్రతి గంటకు కూర్చున్న యాంగిల్ మార్చుకుంటూ ఉండండి. ఉదాహరణకు, ఫోన్ లో మాట్లాడుతున్నప్పుడు నిలబడి మాట్లాడటం అలవాటు చేసుకోవాలి.

2. వీలున్నప్పుడు కాళ్ళూ చేతులూ కదిలించడం, సాధారణ స్ట్రెచ్‌లు చేయడం, లంచ్ బ్రేక్ లో ఆఫీసులో నడవడం ఆరోగ్య సమస్యలను నివారించడంలో సహాయపడుతుంది.

3. ఉద్యోగి ఎత్తుకు సంబంధించి కంప్యూటర్ స్క్రీన్, మౌస్‌ని ఉంచడం వల్ల కూర్చున్న పద్దతిలో వంగిపోకుండా సహాయపడుతుంది.

4.సాధ్యమైనంత వరకు ఎలివేటర్లను వాడకుండా మెట్లను ఉపయోగించండి.

5.పని చేస్తున్నప్పుడు పాదాల క్రింద ఒక చిన్న ఎత్తును ఉంచండి, కాళ్లు తుంటికి, మోకాలు, చీలమండలు 90 డిగ్రీల దగ్గర ఉండేలా చూసుకోండి.

డెస్క్ వర్కర్లు ఈ స్ట్రెచ్ లు ప్రయత్నించండి..

డెస్క్ ముందు కూర్చోవడం వల్ల శరీర ప్రాంతాలలో టెన్షన్ ఏర్పడుతుంది, దీని వల్ల శరీరభాగాల్లో విపరీతమైన నొప్పి వస్తుంది, శరీరం అలసిపోయి మంచానికి అతుక్కుపోతారు. అటువంటి నొప్పి నుండి తమను తాము దూరంగా ఉంచుకోవడానికి ఆఫీస్ లో చేయగలిగే కొన్ని స్ట్రెచ్‌లు గుండె సమస్యల ప్రమాదాన్ని తగ్గించడంలో సహాయం చేస్తుంది. అవేంటో చూద్దాం.

1. ఛాతీని సాగదీయండి.

మీరు చేయాల్సిందల్లా మీ వెనుకకు చేతులను నిటారుగా ఉంచండి, ఛాతీలో సాగినట్లు అనిపించే వరకు చేతులను కొన్ని అంగుళాలు ఎత్తండి. కనీసం 10 సెకన్ల పాటు అలాగే ఉండండి.

2. మీ భుజాలను పైకి ఎత్తండి.

మీ భుజాలను పైకి ఎత్తండి,. 4-5 సార్లు అదే విధంగా చేయండి. టెన్షన్‌ను విడుదల చేయడానికి భుజాలను ముందుకు వెనుకకు తిప్పాలి.

3. స్పైనల్ ట్విస్ట్

నడుముని కుడి వైపుకు, ఎడమ వైపుకు తిప్పండి. స్ట్రెచ్‌ను సరిగ్గా చేయడానికి సీటుపై చేతులను పెట్టవచ్చు.

4. మొండెం స్ట్రెచ్..

వేళ్లను ఒకదానితో ఒకటి లేస్ చేయండి. మీ చేతులను పైకప్పు వైపు చాచండి. అలా చేస్తున్నప్పుడు శ్వాసను గట్టిగా తీసుకోండి. చేతులను క్రిందికి దించుతూ ఊపిరి పీల్చుకోండి.

5. మెడను ఇలా తిప్పండి.

ఇది నిలబడి, కూర్చున్న స్థితిలో కూడా చేయవచ్చు, తలను ఎడమవైపుకు, కుడివైపుకి వంచాలి.

7. కూర్చున్న హిప్ స్ట్రెచ్..

కుడి చీలమండను ఎడమ మోకాలిపై ఉంచండి. కాళ్ళను కదిలిస్తూ ఉండండి.

6. ముంజేయి సాగదీయడం..

కుడి చేతిని ముందుకు చాచి, చేతిని క్రిందికి తిప్పండి. మరొక చేతితో వేళ్లను మీ వైపుకు లాగడానికి ప్రయత్నించండి.

ఇటువంటి చిన్న చిన్న స్ట్రెచ్ లను చేయడం వల్ల ఒకే చోట స్థిరంగా ఉండిపోకుండా శరీరానికి అప్పుడుప్పుడు పని చెపుతూ ఉండండి. ఇది శరీర ఆరోగ్యాన్ని సరిచేయడమే కాదు గుండె పని తీరుకు కూడా సహాయపడుతుంది.