ఏనుగు చుట్టూ తిరిగే మరో కథ

“విలన్ కు ఒక నిధి మ్యాప్ దొరుకుతుంది ఆ నిధి దక్కాలంటే ఒక ఏనుగు పిల్లను బలివాలని ఒక మంత్రగాడు చెబుతాడు దాంతో విలన్ అందుకోసం ఒక ఏనుగుల వేటగాడిని కలిసి ఆ ఏనుగును బలివ్వాలని అనుకుంటాడు.. విషయం తెలిసిన ఆ ఏనుగు వేటగాడి కుమారుడు వారి ప్లాన్ ను తప్పించి ఏనుగును ఎలాగైనా కాపాడాలని ప్రయత్నిస్తాడు”

ఏనుగు లీడ్ రోల్ లో మరో సినిమా వస్తోంది. ఆ సినిమాకు ‘పోయే ఏనుగు పోయే’ అనే టైటిల్ పెట్టారు. ఇలా కథ కూడా ముందుగానే చెప్పేశారు. అప్పట్లో అడవి రాజా, అడవి రాముడు చిత్రాల్లో ఏనుగులు ప్రధాన పాత్ర పోషించి ఘనవిజయం సాధించిన విషయం తెలిసిందే. అలాగే చిన్నారులకు సంబందించిన చిత్రాలు సైతం మంచి విజయాన్ని అందుకున్న సంగతి తెలిసిందే.. అదే తరహాలో చాలా కాలం తరువాత మళ్ళీ ఇప్పుడు ఏనుగు, చిన్నారుల నేపథ్యంతో ఈ సినిమా వస్తోంది.

బాహుబలి ప్రభాకర్, రఘుబాబు, చిత్రం శీను, తమిళ ఫేమ్ మనోబాల తదితరులు నటిస్తున్న ఈ చిత్రానికి కేఎస్ నాయక్ దర్శకత్వం వహిస్తున్నాడు. సినిమా షూటింగ్ పూర్తయింది. త్వరలోనే ఇతర వివరాలు వెల్లడిస్తారు.