ఎఫ్3 ఇంపార్టెంట్ అంటున్న వెంకీ

ఈ వారాంతం థియేటర్లలోకి వస్తున్న ఎఫ్3 సినిమా తనకు చాలా కీలకం అంటున్నాడు సీనియర్ హీరో వెంకటేష్. మూడేళ్ల నుంచి థియేట్రికల్ రిలీజ్ కు దూరమయ్యానని, అందుకే ఎఫ్3 రిజల్ట్ పై చాలా ఆసక్తిగా ఎదురుచూస్తున్నానని ఈ హీరో ప్రకటించాడు. వెంకటేష్ ఇంకా ఏమన్నారంటే..

“మూడేళ్ళ తర్వాత ఎఫ్ 3 రూపంలో నా సినిమా మే 27న థియేటర్ లోకి వస్తుంది. అంతకుముందు చేసిన నారప్ప దృశ్యం ఓటీటీలో విడుదలయ్యాయి. మళ్ళీ ఎఫ్ 3తో మీ అందరినీ థియేటర్లలో కలవబోతున్నందుకు చాలా ఆనందంగా వుంది. ఎఫ్ 3ని ప్రేక్షకులంతా తప్పకుండా ఎంజాయ్ చేస్తారు. దర్శకుడు అనిల్ రావిపూడి అద్భుతమైన స్క్రిప్ట్ చేశారు. దిల్ రాజు గారితో పని చేయడం మరింత ఆనందాన్ని ఇచ్చింది. వరుణ్ తేజ్ అద్భుతంగా చేశాడు. ఈ సినిమాలో పని చేసిన నటీనటులకు, టెక్నిషియన్ల అందరికీ కృతజ్ఞతలు.”

ఇలా ఎఫ్3 సినిమా తనకు చాలా ఇంపార్టెంట్ అనే విషయాన్ని వెంకీ బయటపెట్టాడు. ఎఫ్2తో పోలిస్తే, ఎఫ్3లో రెట్టింపు కామెడీ చేశానంటున్నాడు వెంకటేశ్. తన పాత్రకు దర్శకుడు రేచీకటి కూడా పెట్టడంతో, కామెడీ మరింత పండిందని చెబుతున్నాడు.

అనీల్ రావిపూడి డైరక్ట్ చేసిన ఎఫ్3 సినిమాలో మెహ్రీన్, తమన్న హీరోయిన్లుగా నటించారు. మరో హీరోయిన్ సోనాల్ చౌహన్ కీలక పాత్రలో కనిపించనుంది. ఇంకో హీరోయిన్ పూజా హెగ్డే, స్పెషల్ పార్టీ సాంగ్ లో మెరిసింది.