నిర్మాణ రంగంలోకి 'లహరి'

సౌత్ లోనే అతిపెద్ద ఆడియో సంస్థ ‘లహరి మ్యూజిక్’ మూవీ ప్రొడక్షన్ లోకి అడుగుపెట్టింది. ‘లహరి ఫిలిమ్స్ LLP’ పేరుతో “వీనస్ ఎంటర్‌టైనర్స్‌తో క‌లిసి సినిమాలు నిర్మిస్తున్న‌ట్లు ప్రకటించింది. పాన్-ఇండియా న‌టుడు, ద‌ర్శ‌కుడు అయిన ఉపేంద్ర స‌హ‌కారంతో ఈ సినిమా రూపొందించ‌నుంది.

గతంలో ఉపేంద్ర దర్శకత్వం వహించిన “ష్”, “ఎ”, “ ?” వంటి అసాధారణ చిత్ర టైటిల్‌ల గురించి అంద‌రికీ తెలిసిందే. ఆయా సినిమాల‌తో విమర్శకుల ప్రశంసలు అందుకున్నారు ఉపేంద్ర‌.. అవి దక్షిణాన కల్ట్ క్లాసికల్ మెగా హిట్స్‌గా నిలీచాయి. ఇప్పుడు కన్నడ, హిందీ, తెలుగు, తమిళం వంటి నాలుగు భాషలలో గొప్ప కంటెంట్‌తో ఈ పాన్-ఇండియా చిత్రం ద్వారా మొత్తం భారతీయ ప్రేక్షకులను అలరించడానికి వారు మొదటిసారి చేతులు కలిపారు. బాహుబలి, KGF, ఇటీవలి విజయం సాధించిన పుష్ప త‌ర‌హాలోనే ఇంకా పేరు పెట్టని ఈ చిత్రంపై భారీ అంచనాలు ఉన్నాయి, ఇది త్వరలో సెట్స్‌కి వెళ్లడానికి సిద్ధంగా ఉంది.

లహరి సంస్థ ఉపేంద్ర‌ తొలి చిత్రం “A” నుండి అతడికి మ‌ద్ద‌తు ఇస్తోంది. ఆ సినిమా దక్షిణాదిలో అతిపెద్ద హిట్‌గా నిలిచింది 90వ దశకం చివరిలో కల్ట్ క్లాసిక్ ఫిల్మ్‌గా నిలిచింది ప్ర‌పంచ‌ ప్రేక్ష‌కుల దృష్టి ఆక‌ర్షించిన ఆయ‌న చిత్రాలను అంతా ఆస్వాదించారు. ఇప్పుడు భారతదేశం, విదేశాలలో మొత్తం భారతీయ ప్రేక్షకులు అతని సినిమాలను లహరి ద్వారా ఆస్వాదించబోతున్నారు.