భోళాశంకర్ కు ముహూర్తం ఫిక్స్

మెగాస్టార్ చిరంజీవి, డైరెక్టర్ మెహర్ రమేష్ కాంబినేషన్‌లో రాబోతోన్న భోళా శంకర్ సినిమా ముహూర్తం ఫిక్స్ అయింది. రామబ్రహ్మం సుంకర నిర్మిస్తోన్న ఈ సినిమా మాస్ యాక్షన్ ఎంటర్టైనర్‌గా తెర‌కెక్కుతోంది. నవంబర్ 11 ఉదయం 7:45 గంటలకు ముహూర్తాన్ని ఫిక్స్ చేశారు. నవంబర్ 15 నుంచి ఈ మూవీ రెగ్యులర్ షూటింగ్ మొదలుకానుంది.

అన్నాచెల్లెళ్ల బంధం చుట్టూ తిరిగే ఈ కథలో చిరంజీవి చెల్లిగా కీర్తిసురేష్ నటించనుంది. చిరంజీవి సరసన నటించే హీరోయిన్‌ పేరును అతి త్వరలో ప్రకటించనున్నారు మేక‌ర్స్‌.

యంగ్ సెన్సేషన్ మహతి స్వర సాగర్ ఈ చిత్రానికి సంగీత దర్శకుడిగా వ్య‌వ‌హ‌రిస్తున్నారు. టైటిల్ పోస్టర్‌కు ఆయన అందించిన‌ బ్యాక్ గ్రౌండ్ స్కోర్ అందరినీ ఆకట్టుకుంది.

ఏకే ఎంటర్టైన్మెంట్స్ బ్యానర్ లో క్రియేటివ్ కమర్షియల్ భాగస్వామ్యం తో భోళా శంకర్ సినిమా ని అనిల్ సుంకర గ్రాండ్ గా నిర్మిస్తున్నారు. భోళా శంకర్ 2022లో విడుదల కానుంది.