శర్వానంద్ కొత్త సినిమా రెడీ

యంగ్ అండ్ ప్రామిసింగ్ హీరో శ‌ర్వానంద్ త‌న 30వ చిత్రాన్ని నూత‌న ద‌ర్శ‌కుడు శ్రీ కార్తిక్ ద‌ర్శ‌క‌త్వంలో
చేస్తున్నాడు. డ్రీమ్ వారియ‌ర్ పిక్చ‌ర్స్ బ్యాన‌ర్‌పై ఎస్ ఆర్ ప్ర‌కాశ్ బాబు, ఎస్ ఆర్ ప్ర‌భు నిర్మిస్తున్నారు. ఈ
చిత్రానికి త‌రుణ్ భాస్క‌ర్ డైలాగ్స్ అందిస్తున్నాడు.

ఈ రోజు ఫ‌స్ట్‌లుక్ పోస్ట‌ర్ ను విడుద‌ల‌చేసింది చిత్ర యూనిట్‌. ఈ చిత్రానికి ఒకే ఒక జీవితం అనే టైటిల్‌ను
క‌న్ఫ‌ర్మ్ చేశారు. సైన్స్‌ఫిక్ష‌న్ ఎలిమెంట్స్‌తో ఫ్యామిలీ డ్రామాగా ఈ చిత్రం రూపొందుతుంది.

శ‌ర్వానంద్ వెన‌కాల గిటార్ వేసుకుని ఉండ‌డం ఈ పోస్ట‌ర్లో మ‌నం చూడొచ్చు. ఈ పోస్టర్‌లో ఒక వైపు
పచ్చదనం, పోస్టాఫీసు, లేఖ, మ్యూజిక్ క్యాసెట్, గాలిపటాలు మొదలైనవి చూపించారు. మరొక వైపు
కర్మాగారాలు, సెల్ టవర్, మొబైల్, మ్యూజిక్ సిస్టమ్, ఫ్లైట్ ని చూపించారు. ఈ పోస్టర్ గ్లోబలైజేషన్
ప్రభావాన్ని వివరించేలా ఉంది.

శ‌ర్వానంద్ స‌ర‌స‌న తెలుగ‌మ్మాయి రీతు వ‌ర్మ‌హీరోయిన్ గా న‌టిస్తుండగా వెన్నెల కిషోర్‌, ప్రియ‌ద‌ర్శి
స‌పోర్టింగ్ రోల్స్ లో న‌టిస్తున్నారు. ఈ సినిమాలో అక్కినేని అమ‌ల ఒక కీల‌క పాత్ర‌లో న‌టిస్తుండ‌డం
విశేషం. ఇప్ప‌టికే ఒకే ఒక జీవితం మూవీ షూటింగ్ పూర్త‌య్యింది. ప్రస్తుతం పోస్ట్ ప్రొడక్షన్ కార్యక్రమాలు
జరుగుతున్నాయి.