"మా" పోటీ.. ముగ్గురు కాదు.. నలుగురు

మూవీ ఆర్టిస్ట్ అసోసియేషన్ అధ్యక్ష ఎన్నిక కోసం పోటీ రోజురోజుకు పెరిగిపోతోంది. ముందుగా మంచు విష్ణు
బరిలో దిగారు. ఆ తర్వాత కొన్ని గంటలకే ప్రకాష్ రాజ్ కూడా పోటీలో నిలిచారు. వీళ్లిద్దరి మధ్యే పోటీ
అనుకుంటున్న టైమ్ లో మూడో అభ్యర్థిగా జీవిత రాజశేఖర్ దిగారు. ఇప్పుడీ పోటీలోకి సీనియర్ నటి హేమ
కూడా వచ్చి చేరారు.

హేమ స్టేట్ మెంట్ ఇలా సాగింది…

“మాలో గ‌త కొన్నేళ్లుగా 'మా' ఉపాధ్య‌క్షురాలిగా సంయుక్త కార్య‌ద‌ర్శిగా ఈసీ స‌భ్యురాలిగా ప‌ద‌వులు
చేప‌ట్టాను ..ప‌ద‌వుల‌కు న్యాయం చేశాను. ఈసారి కూడా ఎప్పుడెప్పుడా అని ఎదురు చూస్తున్న మా
అసోసియేష‌న్ ఎన్నిక‌లు రానే వ‌చ్చాయి. ఈసారి ట్రెజ‌ర‌ర్ ప‌ద‌వికి పోటీ చేయాల‌ని అనుకున్నాను.
ఎల‌క్ష‌న్ ముందు ఆలోచ‌న ఇది. కానీ ఆలోచ‌న మారింది. ఎల‌క్ష‌న్ ని ప్ర‌క‌టించ‌గానే ప్ర‌కాష్ రాజ్ గారు ..
మంచు విష్ణు బాబు.. జీవిత గారు పోటీ చేస్తున్నార‌ని తెలిసింది. పెద్ద‌లంతా ఎల‌క్ష‌న్ బ‌రిలో దిగుతున్నారని తెలిసాక‌.. పెద్ద‌లు వివాదాల్లో మ‌న‌మెందుకు చిక్కుకోవాలి.. పోటీప‌డాలి.. అస‌లు పోటీ చేయొద్ద‌నే అనుకున్నాను. నిన్నటి ప్ర‌క‌ట‌న అనంత‌రం సినీప్ర‌ముఖుల నుంచి ఒత్తిడిని ఎదుర్కొన్నాను. నేను ఉపాధ్య‌క్షురాలిగా పోటీ చేసిన‌ప్పుడు నా స్నేహితులు ముఖ్యంగా లేడీ స‌పోర్ట‌ర్స్ అంతా న‌న్ను మెజారిటీతో గెలిపించిన సినీప్ర‌ముఖులంతా ఫోన్ చేసి నువ్వెందుకు పోటీ చేయ‌కూడ‌దు.. నువ్వుంటే బావుంటుంది. ఎవ‌రైనా క‌ష్టాలు చెప్పుకోవాల‌న్నా అర్థ రాత్రి ఫోన్ చేసినా అందుబాటులో ఉంటావు.. అందుకే నువ్వు కావాలి అని అడుగుతున్నారు. నన్ను పోటీ చేయ‌న‌ని నా వాళ్లంతా ఒత్తిడి చేస్తున్నారు. ఇండిపెండెంట్ గా పోటీ స‌మ‌యంలో నాకు అండ‌గా నిలిచిన వారంద‌రి కోసం నా వారి కోసం మా ఎన్నిక‌ల్లో అధ్యక్ష పదవికి పోటీ చేయాల‌నుకుంటున్నాను.”