గుజరాత్లోనూ పోటీకి సై.. అరవింద్ కేజ్రీవాల్ సంచలన ప్రకటన..!
ఆమ్ ఆద్మీ పార్టీ క్రమంగా ఉత్తరాదిన పలు రాష్ట్రాలకు విస్తరిస్తున్నది. ఇప్పటికే పంజాబ్లో బలపడ్డ ఆప్, బీహార్లోనూ ఓటు బ్యాంకును సంపాదించుకున్నది. 2022లో గుజరాత్లో జరిగే అసెంబ్లీ ఎన్నికల్లో తమ పార్టీ పోటీ చేయబోతున్నదని ఆ పార్టీ అధినేత అరవింద్ కేజ్రీవాల్ ప్రకటించారు. ఆప్ కొత్త తరహాలో రాజకీయాలు చేస్తున్న విషయం తెలిసిందే. దీంతో ఢిల్లీలో అధికారాన్ని నిలబెట్టుకోగలిగింది. మరోవైపు ఢిల్లీలో ఆ పార్టీ చేపడుతున్న కార్యక్రమాలు.. కేంద్ర ప్రభుత్వ సహకారం లేకున్నా ముందుకు వెళుతున్న తీరు […]
ఆమ్ ఆద్మీ పార్టీ క్రమంగా ఉత్తరాదిన పలు రాష్ట్రాలకు విస్తరిస్తున్నది. ఇప్పటికే పంజాబ్లో బలపడ్డ ఆప్, బీహార్లోనూ ఓటు బ్యాంకును సంపాదించుకున్నది. 2022లో గుజరాత్లో జరిగే అసెంబ్లీ ఎన్నికల్లో తమ పార్టీ పోటీ చేయబోతున్నదని ఆ పార్టీ అధినేత అరవింద్ కేజ్రీవాల్ ప్రకటించారు.
ఆప్ కొత్త తరహాలో రాజకీయాలు చేస్తున్న విషయం తెలిసిందే. దీంతో ఢిల్లీలో అధికారాన్ని నిలబెట్టుకోగలిగింది. మరోవైపు ఢిల్లీలో ఆ పార్టీ చేపడుతున్న కార్యక్రమాలు.. కేంద్ర ప్రభుత్వ సహకారం లేకున్నా ముందుకు వెళుతున్న తీరు ఇతర రాష్ట్రాల ప్రజలను సైతం ఆకర్షిస్తున్నది. దీంతో ఉత్తరాదిన ఆ పార్టీ బలపడుతోంది.
ఈ ఏడాది సూరత్‌ మున్సిపల్‌ కార్పొరేషన్‌ ఎన్నికలు జరిగాయి. ఇక్కడ మొత్తం 120 స్థానాల్లో ఆప్ పోటీ చేసి 27 సీట్లలో విజయం సాధించింది. దీంతో ఆమ్ ఆద్మీ పార్టీకి నమ్మకం వచ్చింది. గుజరాత్లోనూ తమకు బలం పెరుగుతున్నదంటూ ఆ పార్టీ నమ్మకంగా ఉంది. ఈ క్రమంలో అరవింద్ కేజ్రీవాల్ గుజరాత్లో పర్యటించారు. ఈ సందర్భంగా ఆయన మాట్లాడుతూ.. తాము గుజరాత్ అసెంబ్లీ ఎన్నికల్లో పోటీచేస్తామన్నారు. కేజ్రీవాల్ ప్రకటనతో గుజరాత్ రాజకీయాలు ఆసక్తికరంగా మారాయి.
గుజరాత్ ప్రధాని నరేంద్ర మోదీ సొంత రాష్ట్రమన్న విషయం తెలిసిందే. ఇక్కడ ఆప్ పోటీచేస్తే.. పరిస్థితి ఏమిటి? ఎవరికి నష్టం? అన్న చర్చలు సాగుతున్నాయి. ప్రభుత్వ వ్యతిరేక ఓటు చీలి.. కాంగ్రెస్ నష్టపోతుంది తప్ప.. బీజేపీకి ఎటువంటి నష్టం ఉండదని బీజేపీ నేతలు అంటున్నారు. మరోవైపు కాంగ్రెస్ కూడా అక్కడ అధికారంలోకి రావాలని వ్యూహాలు రచిస్తున్నది. ప్రస్తుతం బీజేపీ పెద్దలు యూపీపై దృష్టి కేంద్రీకరించారు. అనంతరం గుజరాత్ రాజకీయాల పై దృష్టి పెట్టే అవకాశం ఉంది.
