రేవంత్రెడ్డికి హైకోర్టులో చుక్కెదురు..!
ఓటుకు నోటు కేసులో టీపీసీసీ వర్కింగ్ ప్రెసిడెంట్ రేవంత్రెడ్డికి మరోసారి చుక్కెదురైంది. ఎమ్మెల్సీ ఎన్నికల్లో జరిగిన అవతకవకలపై ఎన్నికల సంఘం చర్యలు తీసుకోవాలి కానీ ఏసీబీ ఎందుకు చర్యలు తీసుకుంటుంది? అంటూ చాలా రోజులుగా రేవంత్ రెడ్డి వాదిస్తున్న విషయం తెలిసిందే. అయితే ఇదే విషయంపై ఆయన తెలంగాణ హైకోర్టులో పిటిషన్ దాఖలు చేశారు. ఓటుకు నోటు కేసు ఏసీబీ పరిధిలోకి రాదని.. దాన్ని వెంటనే ఎన్నికల సంఘానికి బదిలి చేయాలంటూ ఆయన పిటిషన్ దాఖలు చేశారు. […]
ఓటుకు నోటు కేసులో టీపీసీసీ వర్కింగ్ ప్రెసిడెంట్ రేవంత్రెడ్డికి మరోసారి చుక్కెదురైంది. ఎమ్మెల్సీ ఎన్నికల్లో జరిగిన అవతకవకలపై ఎన్నికల సంఘం చర్యలు తీసుకోవాలి కానీ ఏసీబీ ఎందుకు చర్యలు తీసుకుంటుంది? అంటూ చాలా రోజులుగా రేవంత్ రెడ్డి వాదిస్తున్న విషయం తెలిసిందే. అయితే ఇదే విషయంపై ఆయన తెలంగాణ హైకోర్టులో పిటిషన్ దాఖలు చేశారు.
ఓటుకు నోటు కేసు ఏసీబీ పరిధిలోకి రాదని.. దాన్ని వెంటనే ఎన్నికల సంఘానికి బదిలి చేయాలంటూ ఆయన పిటిషన్ దాఖలు చేశారు. అయితే రేవంత్రెడ్డి పిటిషన్ను హైకోర్టు తిరస్కరించింది. రేవంత్రెడ్డి టీడీపీలో ఉన్నప్పుడు ఓటుకు నోటు కేసు వెలుగులోకి వచ్చిన విషయం తెలిసిందే.
టీడీపీ ఎమ్మెల్సీ అభ్యర్థి వేం నరేందర్రెడ్డిని గెలిపించేందుకు రేవంత్.. ఎమ్మెల్యే స్టీఫెన్ సన్కు రూ. 50 లక్షలు లంచం ఇస్తుండగా.. ఏసీబీ అధికారులు రెడ్హ్యాండెడ్గా పట్టుకున్నారు. ఈ కేసులో రేవంత్రెడ్డి ప్రధాన ముద్దాయిగా ఉన్నారు. అయితే ఈ కేసులో మాజీ ముఖ్యమంత్రి చంద్రబాబు చేసిన ఫోన్ సంభాషణలు కూడా సంచలనంగా మారాయి. ఇదిలా ఉంటే ఈ కేసు 2015 నుంచి రేవంత్రెడ్డిని వెంటాడుతూనే ఉంది. తాజాగా ఈ కేసును ఎన్నికల సంఘానికి బదిలీ చేయాలంటూ రేవంత్ వేసిన పిటిషన్ ను సైతం హైకోర్టు కొట్టేయడం గమనార్హం.
