ఏపీ విద్యార్థులకు ‘మైక్రోసాఫ్ట్’ శిక్షణ..!
ఏపీలోని విద్యావంతులైన నిరుద్యోగులకు ప్రముఖ సంస్థ మైక్రోసాఫ్ట్ ఉచిత శిక్షణ ఇవ్వనున్నది. ఈ మేరకు ఏపీ ప్రభుత్వంతో మైక్రోసాఫ్ట్ ఒప్పందం కుదుర్చుకున్నది. ఓ ప్రముఖ సంస్థ నిరుద్యోగులకు శిక్షణ ఇవ్వడం ఇదే తొలిసారి అని ఏపీ ఐటీశాఖ మంత్రి మేకపాటి గౌతమ్ రెడ్డి పేర్కొన్నారు. ఈ సందర్భంగా ఏపీ ప్రభుత్వ ప్రతినిధులు.. మైక్రోసాఫ్ట్ సంస్థ ప్రతినిధులు ఒప్పందపత్రాలపై సంతకాలు చేశారు. మైక్రోసాఫ్ట్తో కుదుర్చుకున్న ఒప్పందానికి సంబంధించిన వివరాలను మంత్రి మీడియాకు వెల్లడించారు. చాలా మంది విద్యార్థులు ఇంజినీరింగ్, ఇతర […]
ఏపీలోని విద్యావంతులైన నిరుద్యోగులకు ప్రముఖ సంస్థ మైక్రోసాఫ్ట్ ఉచిత శిక్షణ ఇవ్వనున్నది. ఈ మేరకు ఏపీ ప్రభుత్వంతో మైక్రోసాఫ్ట్ ఒప్పందం కుదుర్చుకున్నది. ఓ ప్రముఖ సంస్థ నిరుద్యోగులకు శిక్షణ ఇవ్వడం ఇదే తొలిసారి అని ఏపీ ఐటీశాఖ మంత్రి మేకపాటి గౌతమ్ రెడ్డి పేర్కొన్నారు.
ఈ సందర్భంగా ఏపీ ప్రభుత్వ ప్రతినిధులు.. మైక్రోసాఫ్ట్ సంస్థ ప్రతినిధులు ఒప్పందపత్రాలపై సంతకాలు చేశారు. మైక్రోసాఫ్ట్తో కుదుర్చుకున్న ఒప్పందానికి సంబంధించిన వివరాలను మంత్రి మీడియాకు వెల్లడించారు. చాలా మంది విద్యార్థులు ఇంజినీరింగ్, ఇతర వృత్తి విద్య కోర్సులు చేస్తున్నప్పటికీ .. వాళ్లకు అవసరమైన టెక్నికల్, కమ్యూనికేషన్ స్కిల్స్ ఉండటం లేదని.. ఆ లోటును తీర్చేందుకు మైక్రోసాఫ్ట్ సంస్థ ముందుకొచ్చిందని చెప్పారు. ఆంధ్రప్రదేశ్లోని దాదాపు 1.60 లక్షల మందికి ఈ సంస్థ ఆధ్వర్యంలో శిక్షణ ఇవ్వబోతున్నట్టు పేర్కొన్నారు.
మైక్రోసాఫ్ట్ మొత్తం 42 రకాల కోర్సుల్లో విద్యార్థులకు శిక్షణ ఇవ్వబోతున్నదని చెప్పారు. అంతేకాక విద్యార్థులకు కమ్యూనికేషన్, డిజిటల్ స్కిల్స్ కూడా నేర్పించబోతున్నామని చెప్పారు. ప్రపంచ ప్రఖ్యాత సంస్థ మైక్రోసాఫ్ట్.. ఏపీలోని విద్యార్థులకు శిక్షణ ఇచ్చేందుకు ముందుకు రావడం ఎంతో గొప్ప విషయమన్నారు.
ఏపీ విద్యార్థులను ఐటీ నిపుణులుగా తీర్చిదిద్దేందుకు సీఎం జగన్ కృషి చేస్తున్నారన్నారు. ఇందుకు మైక్రోసాఫ్ట్ సంస్థ సహకరిస్తున్నదని చెప్పారు. మైక్రోసాఫ్ట్ సంస్థతో జరిగిన ఈ అవగాహన ఒప్పందం వల్ల రాష్ట్రంలోని ఇంజినీరింగ్, వృత్తి విద్యా కళాశాల విద్యార్థులకు ఎంతగానో ఉపయోగపడుతుందన్నారు. కళాశాలల నుంచి బయటకు వచ్చే విద్యార్థులకు ముందుగానే మైక్రోసాఫ్ట్ ద్వారా నైపుణ్య శిక్షణ ఇవ్వడం, సర్టిఫికెట్ ద్వారా మంచి అవకాశాలు పొందడానికి మార్గం సుగుమవుతుందన్నారు.
మైక్రోసాఫ్ట్ ఇండియా ప్రెసిడెంట్ అనంత మహేశ్వరి మాట్లాడుతూ.. ఆంధ్రప్రదేశ్ప్రభుత్వంతో కలిసి పనిచేయడానికి తాము ఎంతో ఉత్సాహంతో ఉన్నామని చెప్పారు. ఆంధ్రప్రదేశ్లోని యువతలో నైపుణ్యాలకు పదునుపెట్టి వారు మంచి ఉద్యోగాలు పొందటానికి సహకరిస్తామని తెలిపారు.
మైక్రోసాఫ్ట్కు చెందిన అజ్యుర్ టెక్నాలజీ కోర్సులు, ఆర్టిఫీషియల్ ఇంటెలిజెన్స్, సైబర్ సెక్యూరిటీ మైక్రోసాఫ్ట్ డైనమిక్స్ 365, పవర్ యాప్ ఫండమెంటల్స్, అజ్యూర్ డాటా అనలిటిక్స్, డాటాబేస్ తదితర 42 కోర్సుల్లో శిక్షణ ఇవ్వనుంది. ఆన్లైన్, ఆఫ్లైన్లో ఈ కోర్సులను నేర్పించనున్నారు.
ఇంటర్వ్యూలకు హాజరయ్యేందుకు కావాల్సిన స్కిల్స్, భాషా నైపుణ్యాలు, ఆహార్యం, హావభావాలు కూడా నేర్పించనున్నారు. ఈ కోర్సులు పూర్తిచేసిన విద్యార్థులకు మైక్రోసాఫ్ట్ సంస్థ 100 డాలర్ల సాయం కూడా చేయనున్నది.
