తమిళనాడు.. గౌతమి వర్సెస్ కమల్
కమల్ హాసన్.. గౌతమి వీళ్లిద్దరిదీ హిట్ పెయిర్. చాలా సినిమాల్లో కలిసి నటించారు. కొంత కాలం సహజీవనం కూడా చేశారు. అయితే వివిధ కారణాల వల్ల వీళ్లు విడిపోయారు. ఇదిలా ఉంటే త్వరలో తమిళనాడులో ఎన్నికలు జరుగబోతున్న విషయం తెలిసిందే. ఈ ఎన్నికల్లో కమల్ హాసన్ కూడా పోటీచేస్తున్నారు. గత పార్లమెంటు ఎన్నికలకు ముందే ఆయన మక్కల్ నీది మయ్యం అనే పార్టీని స్థాపించారు. అప్పట్లో ఈ పార్టీ పెద్దగా ప్రభావం చూపలేకపోయింది. కానీ ఈ సారి […]
కమల్ హాసన్.. గౌతమి వీళ్లిద్దరిదీ హిట్ పెయిర్. చాలా సినిమాల్లో కలిసి నటించారు. కొంత కాలం సహజీవనం కూడా చేశారు. అయితే వివిధ కారణాల వల్ల వీళ్లు విడిపోయారు. ఇదిలా ఉంటే త్వరలో తమిళనాడులో ఎన్నికలు జరుగబోతున్న విషయం తెలిసిందే. ఈ ఎన్నికల్లో కమల్ హాసన్ కూడా పోటీచేస్తున్నారు. గత పార్లమెంటు ఎన్నికలకు ముందే ఆయన మక్కల్ నీది మయ్యం అనే పార్టీని స్థాపించారు. అప్పట్లో ఈ పార్టీ పెద్దగా ప్రభావం చూపలేకపోయింది. కానీ ఈ సారి మాత్రం కమల్ కాస్త సీరియస్గానే రాజకీయాల్లోకి దిగారు.
ఇదిలా ఉంటే కమల్ హాసన్పై ఆయన మాజీ ప్రేయసి గౌతమి హాట్ కామెంట్లు చేశారు. కమల్ తీరుపై ఓ రేంజ్లో విరుచుకుపడ్డారు. కమల్ రాజకీయాల్లో మార్కెటింగ్ స్కిల్స్ ప్లే చేస్తున్నారని మండిపడ్డారు. తమిళ ప్రజలు ఆయనను నమ్మే పరిస్థితుల్లో లేరని చెప్పారు. కమల్ హాసన్ సత్తా ఏమిటో మే 2 న తేలిపోతుందన్నారు. కాగా, కమల్ హాసన్ పై గౌతమి కామెంట్లు చేయడం సంచలనంగా మారింది.
మరోవైపు ఈ సారి ఎన్నికల బరిలో చాలా మంది సినీనటులు బరిలో ఉన్నారు. ఓ వైపు రాధిక, శరత్కుమార్ దంపతులు సైతం కమల్ పార్టీతో పొత్తు పెట్టుకొని పోటీలో ఉన్నారు. అయితే గౌతమి వ్యాఖ్యలపై కమల్ హాసన్ ఇంకా స్పందించలేదు. ఆయన నేరుగా గౌతమికి కౌంటర్ ఇస్తారా? లేక తన పార్టీ వాళ్లచేత కౌంటర్ ఇప్పిస్తారా? అన్నది వేచిచూడాలి.
కమల్ హాసన్ ఈ ఎన్నికల్లో ఎలాగైనా సత్తా చాటాలని గట్టి ప్రయత్నం చేస్తున్నారు. తనదైన స్టైల్‌లో ప్రచారంలో దూసుకెళ్తున్నారు. మిగతా పార్టీల్లాగా ఉచిత హామీలు ఇవ్వకుండా.. ప్రజల జీవన ప్రమాణాలు పెంచుతానని.. ఉద్యోగ కల్పన చేస్తానని హామీ ఇస్తున్నారు.
