హామీలపై సీఎం కేసీఆర్కు.. రేవంత్ లేఖ..!
టీపీసీసీ వర్కింగ్ ప్రెసిడెంట్ రేవంత్రెడ్డి దూకుడు పెంచారు. ఓ వైపు పాదయాత్ర చేస్తూనే.. మరోవైపు ప్రభుత్వంపై విమర్శలు చేస్తున్నారు. ప్రస్తుతం ఆయన పాదయాత్ర కొనసాగుతున్నది. రైతులకు కేంద్ర రాష్ట్రప్రభుత్వాలు అన్యాయం చేస్తున్నాయని ఆయన ఆరోపించారు. మరోవైపు రేవంత్రెడ్డి సీఎం కేసీఆర్కు ఓ లేఖ రాశారు. ఇప్పుడీ లేఖ సోషల్మీడియాలో వైరల్ అవుతున్నది. ఇంతకీ ఆయన లేఖలో ఏం రాశారంటే.. ‘సీఎం కేసీఆర్ 2018 ఎన్నికల సమయంలో పింఛన్ వయసు 57 ఏళ్లకు తగ్గిస్తానని ఓ హామీ ఇచ్చారు. […]
టీపీసీసీ వర్కింగ్ ప్రెసిడెంట్ రేవంత్రెడ్డి దూకుడు పెంచారు. ఓ వైపు పాదయాత్ర చేస్తూనే.. మరోవైపు ప్రభుత్వంపై విమర్శలు చేస్తున్నారు. ప్రస్తుతం ఆయన పాదయాత్ర కొనసాగుతున్నది. రైతులకు కేంద్ర రాష్ట్రప్రభుత్వాలు అన్యాయం చేస్తున్నాయని ఆయన ఆరోపించారు. మరోవైపు రేవంత్రెడ్డి సీఎం కేసీఆర్కు ఓ లేఖ రాశారు. ఇప్పుడీ లేఖ సోషల్మీడియాలో వైరల్ అవుతున్నది.
ఇంతకీ ఆయన లేఖలో ఏం రాశారంటే.. ‘సీఎం కేసీఆర్ 2018 ఎన్నికల సమయంలో పింఛన్ వయసు 57 ఏళ్లకు తగ్గిస్తానని ఓ హామీ ఇచ్చారు. కానీ ఈ హామీ ఇప్పటివరకు కార్యరూపం దాల్చలేదు. ఈ హామీని దయచేసి నెరవేర్చాలి. అంతేకాక ప్రస్తుతం ఇంట్లో ఇద్దరు వృద్ధులు ఉంటే కేవలం ఒక్కరికి మాత్రమే పింఛన్ ఇస్తున్నారు. అలా కాకుండా ఇద్దరికీ పింఛన్ ఇవ్వాలి. ఒంటరి మహిళలకు ప్రస్తుతం తెలంగాణలో పింఛన్ ఇస్తున్న విషయం నిజమే. అయితే 2018 తర్వాత ఒంటరి మహిళలను గుర్తించలేదు. వాళ్లను గుర్తించి పింఛన్ అందజేయాలి’ అంటూ రేవంత్రెడ్డి సీఎం కేసీఆర్కు లేఖ రాశారు.
పాలమూరు, రంగారెడ్డి జిల్లాల పరిధిలో రేవంత్ పాదయాత్ర కొనసాగుతున్నది. కాంగ్రెస్ పార్టీ కార్యకర్తలు, ప్రజల నుంచి స్పందన బాగానే వస్తున్నది. అయితే మీడియాలో రేవంత్ పాదయాత్రకు తగిన ప్రాధాన్యం దక్కడం లేదని ఆయన అనుచరులు ఆరోపిస్తున్నారు. రేవంత్ అనుచరులు సోషల్మీడియాలో బాగానే ప్రచారం చేస్తున్నారు. ఇదిలా ఉంటే కాంగ్రెస్ నేతలు కోమటిరెడ్డి వెంకట్రెడ్డి, జగ్గారెడ్డి కూడా పాదయాత్రలు చేస్తామని ప్రకటించారు.
