అంతా పక్కాప్లాన్ ప్రకారమే.. వ్యూహాత్మకంగా వ్యవహరించిన టీఆర్ఎస్, ఎంఐఎం..!
జీహెచ్ఎంసీ మేయర్ పీఠాన్ని టీఆర్ఎస్ దక్కించుకున్నది. మేయర్, డిప్యూటీ మేయర్లుగా ఆ పార్టీ అభ్యర్థులే ఎన్నికయ్యారు. అయితే మేయర్ ఎన్నికపై టీఆర్ఎస్ అధినేత కేసీఆర్ ఎంతో వ్యూహాత్మకంగా వ్యవహరించారు. నిజానికి జీహెచ్ఎంసీలో మేయర్ పదవికి కావల్సినన్ని సీట్లు టీఆర్ఎస్కు దక్కలేదు. ఎంఐఎంతో పొత్తుపెట్టుకుంటే తప్ప .. టీఆర్ఎస్ మేయర్ పీఠంపై జెండా ఎగరేయలేదు. ఈ క్రమంలో రాజకీయవర్గాల్లో పలు అనుమానాలు ఏర్పడ్డాయి. జీహెచ్ఎంసీ ఎన్నికల్లో ఎంఐఎం.. టీఆర్ఎస్ లోపాయికారి ఒప్పందం కుదుర్చుకున్నాయన్నది బీజేపీ వాదన. ఈ విషయాన్ని […]
జీహెచ్ఎంసీ మేయర్ పీఠాన్ని టీఆర్ఎస్ దక్కించుకున్నది. మేయర్, డిప్యూటీ మేయర్లుగా ఆ పార్టీ అభ్యర్థులే ఎన్నికయ్యారు. అయితే మేయర్ ఎన్నికపై టీఆర్ఎస్ అధినేత కేసీఆర్ ఎంతో వ్యూహాత్మకంగా వ్యవహరించారు. నిజానికి జీహెచ్ఎంసీలో మేయర్ పదవికి కావల్సినన్ని సీట్లు టీఆర్ఎస్కు దక్కలేదు. ఎంఐఎంతో పొత్తుపెట్టుకుంటే తప్ప .. టీఆర్ఎస్ మేయర్ పీఠంపై జెండా ఎగరేయలేదు. ఈ క్రమంలో రాజకీయవర్గాల్లో పలు అనుమానాలు ఏర్పడ్డాయి. జీహెచ్ఎంసీ ఎన్నికల్లో ఎంఐఎం.. టీఆర్ఎస్ లోపాయికారి ఒప్పందం కుదుర్చుకున్నాయన్నది బీజేపీ వాదన. ఈ విషయాన్ని ఆ పార్టీ బలంగా ప్రజల్లోకి తీసుకెళ్లింది.
అయితే ఎప్పటికప్పుడు టీఆర్ఎస్ ప్రచారాన్ని అబద్ధం అంటూ చెబుతూ వస్తున్నది. దీంతో మేయర్ ఎన్నికపై ఆసక్తి నెలకొన్నది. టీఆర్ఎస్, ఎంఐఎం కలిసి పరస్పర సహకారం తీసుకుంటాయా? లేదా? అన్న చర్చ జరిగింది. అయితే ఆ చర్చకు ఇవాళ తెరపడింది. ఎంఐఎం సహకారంతోనే టీఆర్ఎస్ మేయర్ పీఠాన్ని కైవసం చేసుకున్నది.
మేయర్ అభ్యర్థులుగా టీఆర్ఎస్ నుంచి విజయలక్ష్మి.. బీజేపీ నుంచి రాధా ధీరజ్‌రెడ్డి పోటీలో నిలిచారు.
ఎన్నిక ప్రక్రియను చేపట్టిన హైదరాబాద్‌ కలెక్టర్‌ శ్వేతా మహంతి.. నియమనిబంధనల ప్రకారం మేయర్ ఎన్నిక ప్రక్రియను చేపట్టారు. అయితే టీఆర్ఎస్కు ఎంఐఎం సభ్యులు కూడా మద్దతు ఇచ్చారు. 56+32 ఓట్లతో టీఆర్ఎస్ అభ్యర్థి విజయం సాధించారు.
అయితే ఈ ఎన్నిక విషయంలో టీఆర్ఎస్, ఎంఐఎం రెండు వ్యూహాత్మకంగా వ్యవహరించాయి. 44 మంది కార్పొరేటర్ల మద్దతు, పదిమంది ఎక్స్‌అఫిషియో సభ్యులున్న ఎంఐఎం మేయర్ ఎన్నికకు దూరంగా ఉంది. దీంతో టీఆర్ఎస్ సునాయాసంగా విజయం సాధించింది.
