లాక్ డౌన్ లో తాప్సి దినచర్య

లాక్ డౌన్ వల్ల హీరోహీరోయిన్లంతా ఇళ్లకే పరిమితమయ్యారు. పెళ్లయిన హీరోలు కుటుంబాలతో హ్యాపీగా గడిపేస్తుంటే.. పెళ్లి కాని హీరోయిన్లు నెట్ లో వెబ్ సిరీస్ లు చూస్తూ టైమ్ పాస్ చేస్తున్నారు. అయితే తాప్సి ఈ రెండు పనులు చేయడం లేదు. ఆమెకు ఇంటి పనులతో క్షణం కూడా తీరిక ఉండడం లేదంట. ఎంత బిజీ అయిపోతోందంటే.. పనులేమైనా మిస్ అవుతాయేమోనని ఆమె టైమ్ టేబుల్ కూడా రాసుకుందట.

ఉదయం 7 గంటల 30 నిమిషాల నుంచి రాత్రి 10 గంటల 30 నిమిషాల వరకు చేయాల్సిన పనులన్నింటినీ రాసి పెట్టుకుందట తాప్సి. కుకింగ్ నుంచి క్లీనింగ్ వరకు అన్ని పనులు తను మాత్రమే చేస్తోందట. దీంతో ఎంజాయ్ చేయడానికి టైమ్ దొరకడం లేదంటోంది ఈ బ్యూటీ.

నిజానికి పనిలోనే తనకు ఆనందం ఉంటుందని, అందుకే తనను తాను బిజీగా ఉంచుకోవడం కోసం ఇలా టైమ్ టేబుల్ తయారుచేసి పెట్టుకున్నానని అంటోంది తాప్సి. అయితే ఎంత బిజీగా ఉన్నప్పటికీ ఉదయం వ్యాయామం, యోగా మాత్రం మిస్ అవ్వనని.. ఆ రెండు పూర్తయిన తర్వాత మిగతా పనులు మొదలుపెడతానని అంటోంది. ఇదీ.. ఈ లాక్ డౌన్ టైమ్ లో తాప్సి చేస్తున్న పని.