కరోనా టైమ్స్ లో కూడా షూటింగ్

కరోనా వల్ల దేశంలో లాక్ డౌన్ వచ్చింది. దీంతో షూటింగ్స్ అన్నీ నిలిచిపోయాయి. అయితే ఒకేఒక్క హీరో కరోనాతో సంబంధం లేకుండా షూటింగ్ కానిచ్చేస్తున్నాడు. అతడే పృధ్వీరాజ్. ఈ మలయాళ నటుడు తన కొత్త సినిమా షూటింగ్ స్టార్ట్ చేశాడు. కాకపోతే ఇండియాలో కాదు, జోర్డాన్ లో.

లాక్ డౌన్ కు ముందు తన కొత్త సినిమా ఆడుకాలమ్ షూటింగ్ కోసం జోర్డాన్ వెళ్లాడు పృధ్విరాజ్. ఆ దేశంలోని ఎడారిలో షూటింగ్ చేశారు. అదే టైమ్ లో ప్రపంచవ్యాప్తంగా కరోనా విజృంభనతో లాక్ డౌన్ అమల్లోకి వచ్చింది. ఇటు ఇండియాలో కూడా విమాన సర్వీసుల్ని ఆపేయడంతో జోర్డాన్ లోనే లాక్ అయిపోయాడు పృధ్విరాజ్.

అలా కొన్ని రోజులుగా జోర్డాన్ లో ఉండిపోయిన ఈ హీరో, ఇప్పుడు మరోసారి అదే దేశంలో తన కొత్త సినిమా షూటింగ్ స్టార్ట్ చేశాడు. ఆ దేశంలో లాక్ డౌన్ నిబంధనల్ని కాస్త సడలించడం, మరోవైపు ఇండియాకు రావడానికి విమానాలు కూడా లేకపోవడంతో.. అక్కడి అధికారుల అనుమతితో మరో షెడ్యూల్ స్టార్ట్ చేశాడు ఈ హీరో.