న్యూ ఇయర్... అభిమానులకు రాజమౌళి ‘ఆర్ఆర్ఆర్’ గిఫ్ట్?

బాహుబలి సినిమాతో యావత్ దేశాన్ని ఆకర్షించిన దర్శకుడు రాజమౌళి. ఒకే ఒక్క సినిమాతో దేశవ్యాప్తంగా అందరి అభిమానులను సంపాదించుకొని డ్రీమ్ ఫిల్మ్ మేకర్ అనిపించుకున్నారు.

బాహుబలి తర్వాత జక్కన్న చెక్కుతున్న శిల్పం ‘ఆర్ఆర్ఆర్’. ఈ మూవీ ప్రస్తుతం 70శాతం షూటింగ్ పూర్తి చేసుకుంది. దేశమంతా ఈ సినిమాలో నటిస్తున్న ఎన్టీఆర్, రాంచరణ్ ల ఫస్ట్ లుక్ ల కోసం ఆసక్తిగా ఎదురుచూస్తున్నారు. న్యూ ఇయర్ సందర్భంగా ఆర్ఆర్ఆర్ మూవీ అప్ డేట్ వస్తుందని ఆశిస్తున్నారు.

అయితే తాజాగా అందుతున్న సమాచారం ప్రకారం.. న్యూఇయర్ కానుకగా ఎన్టీఆర్ కొమురం భీం గెటప్ ను రాజమౌళి విడుదల చేయబోతున్నట్టు వార్తలు వస్తున్నాయి. ఎన్టీఆర్ అభిమానులందరికీ కిక్కిచ్చేలా ఈ లుక్ ఉండబోతోందని సమాచారం.

ప్రస్తుతం రామోజీ ఫిలింసిటీ ఈ చిత్రం షూటింగ్ జరుగుతోంది. వచ్చేఏడాది జూలై 31న సినిమాను విడుదల చేస్తున్నారు. ఆర్ఆర్ఆర్ సినిమా కోసం ఎదురుచూస్తున్న అభిమానులకు రాజమౌళి పంచబోతున్న ఫస్ట్ లుక్ ఎలాంటి ఆనందాన్ని ఇస్తుందో చూడాలి మరీ.