వైసీపీ మహిళా ఎమ్మెల్యే బుగ్గగిల్లి ముద్దాడిన బుడతడు.... వీడియో వైరల్

వైసీపీ మహిళా ఎమ్మెల్యే విడుదల రజినీకి ఊహించని అనుభవం ఎదురైంది. ఓ పాఠశాలలో కార్యక్రమానికి హాజరై వెళుతూ స్కూలు పిల్లలకు కరచాలనం చేస్తుండగా అనుకోని ఘటన ఎదురైంది. ఎమ్మెల్యే స్పీచ్ కు ఫిదా అయిన ఓ పాఠశాల విద్యార్థి చేసిన పని ఇప్పుడు నెట్టింట్లో వైరల్ గా మారింది.

వైసీపీ మహిళా ఎమ్మెల్యే విడుదల రజినీ… చిలకలూరిపేటలో దిగ్గజ టీడీపీ నేతను ఓడించి అనూహ్యంగా ఎమ్మెల్యేగా గెలిచారు. ప్రజా సేవ కోసం రాజకీయాల్లోకి వచ్చిన ఆమె ప్రజల్లో ఫైర్ బ్రాండ్ గా ఎదిగారు. తన మాట, సేవలతో ప్రజలకు చేరువయ్యారు.

తాజాగా తన నియోజకవర్గమైన చిలకలూరిపేటలో ఒక ప్రభుత్వ పాఠశాలలో ఏర్పాటు చేసిన కార్యక్రమానికి ఎమ్మెల్యే విడదల రజినీ హాజరయ్యారు. ఆ కార్యక్రమం అనంతరం చిన్నారులకు కరచాలనం ఇస్తూ ముందుకు కదిలారు. ఎమ్మెల్యే రావడంతో విద్యార్థులంతా ఎగబడ్డారు. ఒక విద్యార్థి మాత్రం విడదల రజినీ ప్రసంగానికి ఫిదా అయ్యి తన చేతిని ఎమ్మెల్యే బుగ్గపై గిల్లి ఆ చేతిని ముద్దాడాడు.

ఈ హాఠాత్ పరిణామానికి రజినీ ముందు అవాక్కైంది. ఆ తర్వాత తేరుకొని పిల్లాడు చేసిన పనికి నవ్వుకుంది. ఇప్పుడీ ఈ వీడియో సోషల్ మీడియాలో వైరల్ గా మారింది.