ఒంటెను కరిచిన మనిషి....

అమెరికాలో ఓ మహిళ తన కుక్కను ఓ ఒంటె బారి నుంచి తప్పించడానికి ప్రయత్నించే క్రమంలో ఒంటెను కరిచిందట.

కుక్క, పిల్లి వంటి పెంపుడు జంతువులు కరిస్తే వెంటనే ప్రాణాంతకమైన రేబీస్ వ్యాధి వస్తుందని భయపడి యాంటిబయోటిక్స్ తీసుకుంటాం… మరి మనిషే ఆ జంతువులను కరిస్తే వాటికి ఏమవుతుంది?

అమెరికా లూసియానాలోని టైగర్ ట్రక్ షాప్ దగ్గర ఉన్న ఒక ఒంటె షెడ్ లోకి గ్లోరియా లాంకాస్టర్ (68), ఎడ్మండ్ లాంకాస్టర్ (73) అనే దంపతులు తమ చెవిటి కుక్కను వదిలి… దానిపైకి ఆహారం విసురుతున్నారట.

ఈ తతంగం ఏమాత్రం నచ్చని ఒంటె వచ్చి ఆ కుక్కమీద కూర్చున్నది. దీంతో కుక్క కుయ్యో మొర్రో అంటూ అరుస్తూ ఉండటంతో…. లాంకాస్టర్ దంపతులు ఓంటె దగ్గరికి వెళ్లి దానిని పక్కకు నెడుతూ భయపెట్టారట. దీంతో ఒంటె ఈసారి గ్లోరియా పై కూర్చున్నదట.

దిమ్మెరపోయిన గ్లోరియా 272 కేజీల బరువున్న ఆ ఒంటె కింద ఊపిరాడని స్థితిలో… అందుబాటులో ఉన్న ఒంటె ప్రైవేట్ పార్ట్ ని గట్టిగా కొరికిందట. ఈ చర్యతో ఒంటె ఆమే మీదనుంచి లేచిందట.

తామేమీ చెయ్యకపోయినా ఒంటె తమ కుక్కపై దాడి చేసిందని…. ఈ జంట పోలీసులకు తెలిపింది. ఒంటె ఇంటిలోకి కుక్కను పంపి తామేమీ దాన్ని రెచ్చగొట్టలేదని అనడం సరి కాదని పోలీసులు ఆమెను మందలించారట.

ఇక మనిషి కాటుకు గురైన ఒంటెను పరీక్షించిన పశువుల డాక్టర్… ఎందుకైనా మంచిదని రేబీస్ రాకుండా యాంటిబయోటిక్స్ ఇచ్చాడట.