'మన్మథుడు 2'.... సెన్సార్ రిపోర్ట్

2002 లో విడుదలై బ్లాక్ బస్టర్ అయిన ‘మన్మధుడు’ సినిమాకి సీక్వెల్ గా ఇప్పుడు ‘మన్మధుడు 2’ సినిమా త్వరలో ప్రేక్షకుల ముందుకు రాబోతున్న సంగతి తెలిసిందే.

నాగార్జున, రకుల్ ప్రీత్ హీరో హీరోయిన్లుగా నటిస్తున్న ఈ సినిమాకి ఈ మధ్యనే ‘చిలసౌ’ సినిమాతో దర్శకుడిగా మారిన రాహుల్ రవీంద్రన్ దర్శకత్వం వహిస్తున్నారు. ఈ చిత్ర టీజర్ , ట్రైలర్ ఇప్పటికే ప్రేక్షకుల నుంచి మంచి రెస్పాన్స్ అందుకున్నాయి.

‘మన్మధుడు’ లాగానే ఈ సినిమా కూడా బ్లాక్ బస్టర్ అవుతుందని అభిమానులు కూడా ఆసక్తిగా ఎదురు చూస్తున్నారు. తాజాగా ఈ చిత్రాన్ని సెన్సార్ సర్టిఫికేషన్ కి పంపించారు దర్శక నిర్మాతలు.

తాజా సమాచారం ప్రకారం…. ‘మన్మధుడు 2’ సినిమా యూ/ఏ సర్టిఫికెట్ తో బయటకు వచ్చింది. చిత్ర టీజర్ మరియు ట్రైలర్ చూస్తేనే సినిమాలో బోలెడు లిప్ లాక్ లు ఉన్నాయని తెలుస్తోంది. ఈ చిత్రం షూటింగ్ చాలా వరకు పోర్చుగల్ లో జరిగింది.

వెన్నెల కిషోర్, లక్ష్మీ, దేవదర్శిని, ఝాన్సీ తదితరులు ముఖ్య పాత్రలు పోషిస్తున్న ఈ సినిమాలో సమంత అక్కినేని, అక్షర గౌడ మరియు కీర్తి సురేష్ గెస్ట్ పాత్రలో కనిపించనున్నారు. భారీ అంచనాల మధ్య ఈ సినిమా ఆగస్టు 9న విడుదల కాబోతోంది. నాగార్జున స్వయంగా నిర్మించిన ఈ చిత్రానికి చైతన్ భరద్వాజ్ సంగీతాన్ని అందించారు.

With "U/A" Certification King @iamnagarjuna's #Manmadadhu2 arriving on August 9th @Rakulpreet @23_rahulr @AnnapurnaStdios @Viacom18Studios @vennelakishore @chaitanmusic @AnandiArtsOffl @adityamusic #Manmadhudu2onAug9th pic.twitter.com/ZuTGi8vstx

— Vamsi Kaka (@vamsikaka) August 6, 2019